الماتى وبلىسىنىڭ ءورت سوندىرۋشىلەرى جەر ۇيدەن كىسى قولىنان قازا بولعان ايەل مەن ونىڭ ەكى بالاسىنىڭ ءمايىتى تابىلدى.
پوليسيا دەپارتامەنتىنىڭ حابارلاۋىنشا، 14 قىركۇيەكتە ساعات 23:24-تە ىلە اۋدانىنىڭ پوليسيا باسقارماسىنا اششىبۇلاق اۋىلىنداعى ۇيلەردىڭ بىرىندەگى ورتتەن كەيىن ك. مەن ونىڭ ەكى كامەلەتكە تولماعان بالاسىنىڭ زورلىق-زومبىلىق بەلگىلەرى كورىنەتىن مايىتتەرى تابىلعانى تۋرالى اقپارات تۇسكەن.
وقيعا ورنىنا جەتكەن ءورت سوندىرۋشىلەر ۇيدەن ءۇش ادامنىڭ ءمايىتىن تاپتى.
"ءورتتى ءسوندىرۋ كەزىندە وقيعا ورنىنان 1981 جىلعى ايەل مەن ونىڭ 2010 جانە 2016 جىلعى ەكى بالاسىنىڭ ءمايىتى تابىلدى. دەنەلەرىندە زورلىق-زومبىلىق بەلگىلەرى بار. ءورت ءسوندىرىلدى، جالىن 124 شارشى مەتر اۋماقتى شارپىعان"، - دەپ مالىمدەدى الماتى وبلىسى تجد باسپا ءسوز قىزمەتى.
ءوڭىر پوليسياسى اقپاراتتى راستادى، قىلمىستىق كودەكستىڭ 99-بابى (كىسى ءولتىرۋ) بويىنشا تەرگەۋ باستالعان.
"ءقازىر كۇدىكتىنى انىقتاۋ جانە ۇستاۋ بويىنشا جەدەل-ىزدەستىرۋ جۇمىستارى جۇرگىزىلىپ جاتىر. بارلىق اۋداندىق پوليسيا بولىمشەسىنە جانە كورشىلەس وڭىرلەردىڭ پوليسيا دەپارتامەنتتەرىنە باعدارلار جولداندى"، - دەدى الماتى وبلىستىق پوليسياسىنىڭ باسشىسى باۋىرجان الەنوۆ.
تۇپكىلىكتى پروسەستىك شەشىم قابىلداۋ ءۇشىن بارلىق قاجەتتى ساراپتاما جاسالادى، تەرگەۋ شارالارى جۇرگىزىلۋدە.
پىكىر قالدىرۋ