تاۋلى قاراباقتاعى سوعىس بۇگىن توقتادى. بۇل اقپاراتتى ارمەنيانىڭ قورعانىس مينيسترلىگى راستاپ وتىر. رەسمي تۇردە مويىندالماعان تاۋلى قاراباق رەسپۋبليكاسىنىڭ وكىلدەرى ازەربايجان بيلىگىنىڭ شارتىنا كونگەن.
"كەلىسىمگە رەسەيدىڭ بىتىمگەرشىلىك كونتينگەنتى قولباسشىلىعىنىڭ دەلدالدىعى كومەكتەستى"، دەپ اتاپ ءوتتى مويىندالماعان تاۋلى قاراباق رەسپۋبليكاسىنىڭ بيلىگى. كەشەدەن بەرى ازەربايجان بيلىگى ارميانداردان قارۋدى تاستاپ، بەرىلۋدى تالاپ ەتكەن بولاتىن.
ەندى 21 قىركۇيەكتەن باستاپ ەكى ەل اراسىندا كەلىسسوز باستالىپ، تاۋلى قاراباق ايماعى تولىعىمەن ازەربايجاننىڭ باقىلاۋىنا ءوتۋى مۇمكىن.
پىكىر قالدىرۋ