الماتى وبلىسى اكىمىنىڭ وكىمىمەن جانە مەملەكەتتىك قىزمەت ىستەرى اگەنتتىگى كەلىسىمىمەن دانيار ابزاليدەن ۇلى الييەۆ وبلىستىڭ مادەنيەت، ارحيۆتەر جانە قۇجاتتاما باسقارماسىنىڭ باسشىسى لاۋازىمىنا تاعايىندالدى.
دانيار ابزاليدەن ۇلى 1986 جىلى دۇنيەگە كەلگەن. 2008 جىلى اباي اتىنداعى قازاق ۇلتتىق پەداگوگيالىق ۋنيۆەرسيتەتىندە «تاريح» ماماندىعى، 2010 جىلى اباي اتىنداعى قازاق ۇلتتىق پەداگوگيالىق ۋنيۆەرسيتەتىندە «تاريح ماگيسترى»، 2020 جىلى «الماتى» ۋنيۆەرسيتەتىندە «قۇقىق» ماماندىعى بويىنشا ءبىلىم العان.
ەڭبەك جولىن 2008 جىلى قازاقستان رەسپۋبليكاسىنىڭ ورتالىق مەملەكەتتىك مۇراعاتىندا قور ساقتاۋ ءبولىمىنىڭ مەڭگەرۋشىسى بولىپ باستاعان.
ءار جىلدارى الماتى قالاسى تاريحىنىڭ مۇراجايىندا عىلىمي قىزمەتكەر، ءبولىم مەڭگەرۋشىسى، عىلىمي قىزمەتكەرى، الماتى قالاسى مادەنيەت باسقارماسىنىڭ باس مامانى، باسقارما باسشىسىنىڭ ورىنباسارى، «نۇر وتان» پارتياسىنىڭ الماتى قالاسى بويىنشا فيليالىندا كونسۋلتانت، ءبولىم مەڭگەرۋشىسى لاۋازىمدارىندا قىزمەت اتقارعان.
2022 جىلدىڭ قىركۇيەك ايىنان قازاقستان رەسپۋبليكاسى مادەنيەت جانە اقپارات مينيسترلىگىندە كوميتەت ءتوراعاسىنىڭ ورىنباسارى بولىپ ەڭبەك ەتكەن.
پىكىر قالدىرۋ