الەۋمەتتىك جەلىلەردە بالالاردىڭ كولىكتىڭ جولىن كەسىپ، جۇگىرەتىن جاڭا ويىن ءتۇرى شىققان ەكەن. ماسەلەن، بالا جولدا كەلە جاتقان كولىكتى توسىپ تۇرادى ەكەن دە، كولىك جاقىنداعاندا كوشەنىڭ ارعى بەتىنە جولدى كەسىپ، جۇگىرىپ وتەدى. ال قالعان بالالار بۇل ءقاۋىپتى ارەكەتتى باقىلاپ تۇرادى. جولدى كەسىپ ءوتىپ امان قالعان ويىنشى جەڭىمپاز اتانادى.

كىم كىنالى بولادى؟

بۇل ءقاۋىپتى ويىندى بالالاردىڭ ءوزى ادەيى ۇيىمداستىرسا دا، قايعىلى جاعداي بولعاندا، بالالار ەمەس جۇرگىزۋشىلەر كىنالى بولادى ەكەن. بۇعان قاتىستى زاڭگەر باعدات اماندوس ۇلى: "فاكتى بويىنشا كولىك جۇرگىزۋشىسى ق ر قىلمىستىق كودەكسىنىڭ 345-بابى بويىنشا ياعني كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋ بويىنشا جاۋاپتى بولادى. سەبەبى ق ر ازاماتتىق كودەكسىنىڭ 931-بابىنىڭ 1 بولىگى بويىنشا جوعارى قاۋiپتiلiكپەن بايلانىستى كولىك قۇرالدارىنىڭ يەلەرi ەگەر زيان دۇلەي كۇشتەردiڭ نەمەسە ءجابiرلەنۋشiنiڭ تەرiس پيعىلىنىڭ سالدارىنان پايدا بولعانىن دالەلدەمەسە، وندا جوعارى قاۋiپتiلiك كوزدەرiمەن كەلتiرگەن زياندى وتەۋگە مiندەتتi بولىپ تابىلادى، – دەيدى زاڭگەر. 

مۇنداي ءقاۋىپتى ويىن قازاقستاننىڭ بىرنەشە قالالارىندا بولىپ جاتىر. ءتىپتى تۇنگى ۋاقىتتا دا جاسوسپىرىمدەردىڭ مۇنداي ءقاۋىپتى ويىنمەن ويناپ جۇرگەنى جايلى بەينەجازبالار الەۋمەتتىك جەلىلەردە كوپ تارالىپ جاتىر. مىسالىعا، اقتاۋداعى وقيعا بويىنشا بالالار كولىكتىڭ الدىن كەسەمىن دەپ، كولىك استىنا تۇسۋگە شاق قالسا، رۋدنىيدا كىشكەنتاي بالانى كولىك قاعىپ، قايعىلى جاعدايعا دۋشار بولعان.  

بۇعان دەيىن «جۇگىر نە ءول!» ويىنى رەسەي، بەلارۋس. ۋكراينادا بولعان ەكەن.