قازاقستان – جاس ۇلت. 2021 جىلدىڭ قورىتىندىسى بويىنشا قازاقستاندىقتاردىڭ ورتاشا جاسى 32 جاستى قۇرادى، بۇل جاستار ساناتىنا جاتادى. بۇل تۋرالى ۇلتتىق ستاتيستيكا بيۋروسى حالىق ساناعى دەپارتامەنتىنىڭ ديرەكتورى نۇرلان قوجاكوۆ حابارلادى. 

«ەلىمىزدەگى حالىقتىڭ ورتاشا جاسى باياۋ ءوسىپ جاتىر. وتكەن ساناقپەن سالىستىرعاندا، 2021 جىلى ورتاشا جاس 31-دەن 32-گە دەيىن ءوستى. مىسالى، ەۋروپا ەلدەرىندەگى ورتاشا جاس ماكەدونيا مەن نورۆەگيادا – 39.5 جاستان گەرمانيا، يتاليا جانە گرەكيادا – 46.5 جاسقا دەيىن قۇبىلادى. امەريكا قۇراما شتاتتارىندا ورتاشا جاس – 38.5 جاس، ال قىتايدا 38.4 جاستى قۇرايدى. حالىقتىڭ قارتايۋ ءۇردىسىن تمد ەلدەرىندە دە بايقاۋعا بولادى: ارمەنيادا ورتاشا جاس – 36.6 جاس، رەسەيدە – 40.3 جاس، بەلارۋستا – 40.9 جاس»