گازا سەكتورىنىڭ شەكارالار مەن شەكارا بەكەتتەرى بويىنشا باس باسقارماسى قاقتىعىس ايماعىنان شىعارىلاتىن ادامداردىڭ ءتىزىمىن جاريالادى. وعان قازاقستان ءتولقۇجاتى بار 122 ادام جانە ولاردىڭ وتباسى مۇشەلەرى ەندى.
باس باسقارما تىزىمگە ەنگەن ادامدارعا بۇگىن "رافاح" باقىلاۋ-وتكىزۋ پۋنكتىنە جەرگىلىكتى ۋاقىت بويىنشا ساعات 07:00-دە (استانا ۋاقىتىمەن 10:00) كەلۋ كەرەكتىگىن دە ەسكەرتتى. بارلىق ادامدى وتكىزۋ ءۇشىن سىرتقى زالدىڭ وتكەلىنە جيناپ جاتىر.
بۇعان دەيىن سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستاننىڭ 40 ازاماتى جانە ولاردىڭ ءتورت وتباسى مۇشەسى گازا سەكتورىنان ەۆاكۋاسيالانعانىن مالىمدەدى.
پىكىر قالدىرۋ