استانادا «WorldSkills Kazakhstan 2023» VIII رەسپۋبليكالىق كاسىبي شەبەرلىك چەمپيوناتى ءوتتى. جارىسقا 22 جاسقا دەيىنگى 545 مامان جانە ەلىمىزدىڭ تۇكپىر-تۇكپىرىنەن 520 ساراپشى قاتىستى.

كوللەدج ستۋدەنتتەرى 30 قۇزىرەتتىلىك بويىنشا ءوز داعدىلارى مەن كاسىبي شەبەرلىكتەرىن كورسەتتى. اسىرەسە، «شاشتاراز ونەرى»، «كىرپىش قالاۋ»، «ءموبيلدى روبوتوتەحنيكا»، «مەحاترونيكا»، كونديتەرلىك ءىس»، «كىشى سىنىپتاردا وقىتۋ» باعىتتارىندا باسقا وڭىرلەردەن ىلگەرى بولدى.

بۇگىن استانا قالاسىنىڭ بەيبىتشىلىك جانە كەلىسىم سارايىندا رەسپۋبليكالىق چەمپيوناتقا قاتىسۋشىلاردى سالتاناتتى ماراپاتتاۋ ءراسىمى ءوتتى.

چەمپيونات قورىتىندىسى بويىنشا اباي وبلىسىنىڭ كومانداسى جالپى كوماندالىق ەسەپتە 1 ورىندى يەلەندى (التىن - 6، كۇمىس - 2، قولا - 3 جانە 12 مەدالون).

چەمپيونات جەڭىمپازدارى قازاقستاندى 2024 جىلعى 10-15 قىركۇيەگى ارالىعىندا فرانسيادا وتەتىن «WorldSkills Lyon - 2024» حالىقارالىق بىرىنشىلىگىندە تانىستىرۋدىڭ بىرەگەي مۇمكىندىگىنە يە بولدى.