بۇگىن ماجىلىستە ءوتىپ جاتقان ۇكىمەت ساعاتىندا دەپۋتات سنەجاننا يماشيەۆا ەسىرتكى ساۋداسىنا قاتىسى بار پوليسيا قىزمەتكەرلەرى تۋرالى ءسوز قوزعادى. ونىڭ ايتۋىنشا، بيىل ەسىرتكى زاتتارىن ساتقانى جانە ساقتاعانى ءۇشىن قۇقىق قورعاۋ ورگاندارىنىڭ 11 قىزمەتكەرى مەن اسكەري قىزمەتشىلەرى ۇستالعان.
"پوليسيا قىزمەتكەرلەرىنىڭ وزدەرى ەسىرتكىنىڭ زاڭسىز اينالىمىنا قاتىسى بار ەكەندىگى ءبىزدى الاڭداتىپ وتىر. ناشاقورلىقپەن كۇرەسۋشىلەردىڭ وزدەرى وعان كومەكتەسەتىنى ەشكىمگە قۇپيا ەمەس. مۇنداي فاكتىلەرگە ۇزىلدى-كەسىلدى جول بەرىلمەۋ كەرەك جانە سىبايلاس جەمقورلىق جاعدايى سياقتى، مۇنداي شيبورىلەردىڭ باسشىلارى دا جاۋاپقا تارتىلۋى نەمەسە قىزمەتىنەن بوساتىلۋى قاجەت."، دەدى يماشيەۆا.
دەپۋتات ۇستالعان ازاماتتاردىڭ اراسىندا كوشى-قون پوليسياسىنىڭ قىزمەتكەرلەرى، پوليسيا دەپارتامەنتى ەسىرتكىگە قارسى باسقارمالارىنىڭ باسشىلارى مەن جەدەل ۋاكىلدەرى، ۇيىمداسقان قىلمىسقا قارسى باسقارماسىنىڭ، تۇزەۋ مەكەمەسىنىڭ، توتەنشە جاعدايلار مينيسترلىگىنىڭ قىزمەتكەرلەرى بار ەكەنىن اتاپ ءوتتى.
يماشيەۆانىڭ مالىمەتىنشە، بيىل قازاقستاندا ەسىرتكىنى مەديسينالىق ماقساتتان تىس پايدالانۋدىڭ 370 مىڭعا جۋىق فاكتىسى انىقتالعان.
پىكىر قالدىرۋ