قازاقتىڭ ۇلتتىق وليمپيادا كوميتەتىنىڭ پرەزيدەنتى قىزمەتىنە تيمۋر قۇلىبايەۆ كەلگەننەن بەرى ەلدىڭ سپورتتىق جەتىستىكتەرىمىز قۇلدىراي باستادى، دەدى دەپۋتات ەرمۇرات باپي.

باپي بىلاي دەيدى:

قۇلىبايەۆ كەلگەلى ۇلتتىق وليمپيادا كوميتەتىنىڭ باسشىلىعىنا كىلەڭ «ەسكى قازاقستاننىڭ» وكىلدەرى ىرىكتەلىپ الىندى. ونىڭ ىشىندە، بىر-بىرىنە اينىماس قۇدا-جەكجاتتار مەن ميللياردەر كۇيەۋدىڭ وليگارح-دوستارى ءورىپ ءجۇر.

سونىمەن قاتار، كوميتەتكە مۇشە بولىپ سايلانۋعا 70 جاستىق شەكتەۋ بەلگىلەنگەن. قازىرگى مۇشەلەردىڭ ىشىنەن بۇل سەنزدەن اسىپ كەتكەندەر دە، كۇنى ەرتەڭ تولايىن دەپ وتىرعاندار دا بار.

ۇلتتىق وليمپيادا كوميتەتى باسقارۋشى ورگانىنىڭ وسىنداي شال-شاۋقاندار قۇرامىمەن قانداي جەڭىسكە جەتۋگە بولادى؟

تيمۋر قۇلىبايەۆ قازاقستاننىڭ ەڭ ءىرى 50 جەكە بيزنەسى قاتارىنا كىرەتىن كومپانيالاردىڭ اكتيۆتەرىن يەلەنە وتىرىپ، ءبىرقاتار ءىرى بيزنەس جوبالاردى باقىلايدى، ونىڭ ىشىندە: «المەكس» حولدينگتىك توبى، «كاسپيي مۇناي» جانە «Retro Retail» مۇناي كومپانيالارى بار.

مۇنداي شامادان تىس جۇكتەمەمەن ونىڭ وليمپيادالىق سپورت تۇرلەرىن دامىتۋعا مۇلدەم ۋاقىتى جوق دەۋگە بولادى! ونىڭ ويى ەلدىڭ مۇنايىن ساتىپ، قالتاسىن تولتىرۋ. سپورتتى ءقايتسىن؟!

قىسقاسى، كوميتەتتىڭ جۇمىسىندا «ادىلەتتى قازاقستان» باعىتىندا ترانسفورماسيا ءالى دە ءجۇرىپ جاتقان جوق.

ايتپاقشى،

• توكيوداعى سوڭعى جازعى وليمپيادا ويىندارىندا ءبىزدىڭ سپورتشىلار ءبىر دە ءبىر التىن-كۇمىس مەدال العان جوق، 8 قولا مەدالمەن قايتتى. مەدال ەسەبىندە ەلىمىز 83ء-شى ورىنعا ءبىر-اق ءتۇستى.
• 1994 جىلدان 2014 جىلعا دەيىن جازعى ازيا ويىندارىندا قازاقستاندىق سپورتشىلار تۇراقتى تۇردە 4-5ء-شى ورىن الىپ كەلگەن. ال 2018 جىلى ءبىز 9-شى ورىنعا، 2023 جىلى 11ء-شى ورىنعا تۇستىك.

شامامەن، پاريجدە دە وسىنىڭ كەبىن كيۋىمىز ابدەن مۇمكىن.