"اشىق نقا" پورتالىندا جاريالانعان قۇجاتقا سايكەس، "قازاقستان رەسپۋبليكاسىنىڭ ازاماتتىعىنا قابىلداۋ" تۋرالى بۇيرىعىنا وزگەرىستەر ەنگىزىلدى.
ەنگىزىلگەن وزگەرىستەرگە سايكەس، "قازاقستان رەسپۋبليكاسىنىڭ ازاماتتىعىنا وڭايلاتىلعان تارتىپپەن (تىركەۋ تارتىبىمەن) قابىلدانۋعا" دەگەن بۇيرىقتىڭ 5-تاراۋى مىناداي مازمۇنداعى ابزاسپەن تولىقتىرىلدى: وتىنىشكە (وتىنىشكە) مىناداي قۇجاتتار قوسا بەرىلەدى: قازاقستان رەسپۋبليكاسى ۇكىمەتىنىڭ 2018 جىلعى 31 قاڭتارداعى № 36 قاۋلىسىمەن بەكىتىلگەن "داكتيلوسكوپيالىق جانە گەنومدىق تىركەۋدى جۇرگىزۋ قاعيدالارىنا سايكەس شەتەلدىكتىڭ جانە ازاماتتىعى جوق ادامنىڭ داكتيلوسكوپيالاۋدان وتكەنى تۋرالى انىقتاما".
قازاقستان ازاماتتىعىنا وڭايلاتىلعان تارتىپپەن قابىلداۋعا دا وزگەرىستەر ەنگىزىلدى. وسىلايشا، قازاقستان رەسپۋبليكاسىندا تۇراقتى تۇرۋعا رۇقسات بەرۋدەن باس تارتۋ ءۇشىن نەگىزدەرى بولسا (ءبىر مەزگىلدە قازاقستان رەسپۋبليكاسىندا تۇراقتى تۇرۋعا رۇقسات الۋعا جانە قازاقستان رەسپۋبليكاسىنىڭ ازاماتتىعىنا وڭايلاتىلعان تارتىپپەن (تىركەۋ تارتىبىمەن) قابىلدانۋعا قۇجاتتار تاپسىرعان كەزدە) باس تارتىلادى. بۇل قانداي نەگىزدەر ەكەنى قۇجاتتا كورسەتىلمەگەن. بۇرىنعى ەرەجەدە مۇنداي تارماق بولماعان.
ىشكى ىستەر ءمينيسترىنىڭ بۇيرىعى 23 قاڭتارعا دەيىن تالقىلانادى.
پىكىر قالدىرۋ