الماتىدا جەتى جاستاعى كارينانى اسقان قاتىگەزدىكپەن ۇرىپ ءولتىردى دەپ ايىپتالعان ايەل بار كىنانى قىزدىڭ اكەسىنە ارتىپ وتىر. بۇگىنگى سوتتا ايىپتالۋشى وگەي قىزى تۋعان اكەسىنىڭ قولىنان قازا تاپقانىن ايتتى، - دەپ حابارلايدى كتك تەلەارناسى.
اتىشۋلى ىسكە قاتىستى كەزەكتى سوت وتىرىسىندا كۇدىكتى ايەل ازاماتتىق نەكەدەگى كۇيەۋىن جامانداۋمەن بولدى. اكەسى قىزىنا ۇنەمى قول جۇمساعانىن، جالپى ىشكىلىككە قۇمار بولعان دەيدى. كارينانى اكەسى كەزەكتى رەت وڭباي ساباپ، اقىرى جەتكىنشەك تىلگە كەلمەستەن كوز جۇمدى دەيدى.
"كارينا دارەتىن جىبەرىپ قويىپ، اكەسى ونى جۋىندىرۋى كەرەك بولعان. مەن وعان "تەك ۇرما" دەدىم. ءۇي جيناپ ءجۇرىپ ۆاننادان ءبىر دىبىس شىقتى. بارىپ قاراسام، كارينا ۆاننانىڭ ىشىندە ءىسىنىپ، قورىلداپ جاتىر. جۋىندىرىپ بولمەگە اپارىپ جاتقىزدىم. مەن تەك ونى تالىپ قالعان ەكەن دەپ ويلادىم. ءولىپ قالادى دەگەن وي بولماپتى"، - دەيدى ايىپتالۋشى.
ايىپتالۋشى "كۇيەۋىنىڭ قىلمىسىن جاسىرماي، ءاۋ باستا شىندىقتى ايتۋ كەرەك ەدى" دەدى.
ەسكە سالايىق، وقيعا بىلتىر شىلدەدە بولدى. جەتى جاستاعى قىز وگەي شەشەسىنەن ءتورت اي بويى تاياق جەپ، اقىر سوڭىندا ميىنا قان قۇيىلىپ كوز جۇمعان. قىزدىڭ وگەي شەشەسى ءارى ءوزىن قوعام بەلسەندىسى رەتىندە كورسەتەتىن بالجان تۇرلىبەكوۆا قاماۋعا الىنعان ەدى. قايتىس بولعان كارينانىڭ اجەسى مەن وزگە دە تۋىستارى قىزدىڭ تۋعان اكەسىن دە جاۋاپقا تارتۋدى تالاپ ەتكەن.
پىكىر قالدىرۋ