قاراعاندى وبلىسىنىڭ پوليسەيلەرى بۇعان دەيىن جەدەل جاردەم جۇرگىزۋشىسىن ۇرىپ-سوققانى ءۇشىن ىزدەۋدە بولعان نۇربولات داكەبايەۆتىڭ ۇستالۋىنا قاتىستى پىكىر ءبىلدىردى.
پوليسيانىڭ دەرەگىنشە كۇدىكتى ازاماتتىڭ ءوز ەركىمەن بەرىلىپ، كىناسىن مويىنداۋعا مۇمكىندىگى بولعان. الايدا ول پوليسيا بولىمىنە ءوز ەركىمەن كەلمەگەن.
"ىزدەۋدەگى كۇدىكتى داكىبايەۆ زاڭدى تۇردە دە جانە ءىس جۇزىندە دە ءوز ەركىمەن بەرىلگەن جوق. قولدانىستاعى زاڭناماعا سايكەس قىلمىس جاسادى دەگەن كۇدىككە ىلىنگەن ادامنىڭ ءوز ەركىمەن بەرىلۋى قاراستىرىلعان. بۇل جاعدايدا ايىبىن مويىنداۋ نەمەسە پوليسيا بولىمىنە ءوز ەركىمەن كەلۋى بولعان جوق. كريمينالدىق پوليسيا قىزمەتكەرلەرى جەدەل ىزدەستىرۋ شارالارىنىڭ كەشەنىن جۇرگىزىپ، ناتيجەسىندە مەملەكەتارالىق ىزدەۋدە جۇرگەن داكەبايەۆ ۇستالدى"، - دەپ ءتۇسىندىردى قاراعاندى وبلىسى پوليسيا دەپارتامەنتىنىڭ باستىعى سانجار ءادىلوۆ.
رەسمي دەرەكتەرگە سايكەس، قىلمىستىق ءىستى تەرگەۋ ءىستىڭ بارلىق ءمان-جايىن جان-جاقتى، تولىق جانە وبەكتيۆ زەرتتەۋ ءۇشىن قىلمىستىق زاڭنامانىڭ تالاپتارىنا سايكەس جۇرگىزىلەدى.
