پرەزيدەنت قاسىم-جومارت توقايەۆقا پارلامەنت ءماجىلىسىنىڭ جانە "Amanat" پارتياسىنىڭ ءتوراعاسى ەرلان قوشانوۆ پرەمەر-مينيستر قىزمەتىنە ولجاس بەكتەنوۆتىڭ كانديداتۋراسىن ۇسىندى.
قولدانىستاعى زاڭناماعا سايكەس، مەملەكەت باسشىسى ۇسىنىلعان كانديداتۋرانى ماجىلىستەگى پارتيالاردىڭ فراكسيالارىمەن جۋىق ارادا تالقىلايدى.
ايتا كەتسەك، 7 اقپاندا قاسىم-جومارت توقايەۆتىڭ توراعالىعىمەن كەڭەيتىلگەن وتىرىسى ءوتۋى ءتيىس ۇكىمەت ەكى كۇن بۇرىن، ياعني 5 اقپاندا وتستاۆكاعا كەتتى.
ۇكىمەت باسشىسى مىندەتىن ۋاقىتشا اتقارۋ رومان سكليارعا جۇكتەلگەن ەدى.
ولجاس بەكتەنوۆ 1980 جىلى 13 جەلتوقساندا الماتى قالاسىندا دۇنيەگە كەلگەن. ماماندىعى – زاڭگەر. ەڭبەك جولىن الماتى قالاسى ادىلەت باسقارماسىندا باس مامانى بولىپ باستاعان. ق ر پرەزيدەنت اكىمشىلىگى، ادىلەت مينيسترلىگى، ق ر ەكونوميكالىق قىلمىس جانە سىبايلاس جەمقورلىق قارسى كۇرەس اگەنتتىگىنىڭ ورتالىق اپپاراتىندا ءتۇرلى قىزمەت اتقارعان. ال 2022 جىلى ق ر سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى بولدى. سودان كەيىن ق ر پرەزيدەنتى اكىمشىلىگىنىڭ باسشىسى بولىپ تاعايىندالعان ەدى.
پىكىر قالدىرۋ