بۇل ارادا جاڭادان دەگەننەن گورى قايتادان دەگەن ءسوزدى قولدانعان دۇرىسىراق سەكىلدى. ويتكەنى مينيسترلەر كابينەتى 21 لاۋازىمدى ورىننان تۇرادى دەسەك، سونىڭ تەك تورتەۋى عانا جاڭالاندى.

سونىمەن، پرەزيدەنت جارلىعىنا سايكەس، ءاليحان سمايىلوۆ باسقارعان ۇكىمەتتىڭ تۇتقاسىنا انتيكوردىڭ ءتوراعاسى بولعان ولجاس بەكتەنوۆ يە بولدى. ال جاڭادان تاعايىندالعان مينيسترلەرگە كەلسەك، ولاردىڭ سانى – تورتەۋ.

اتاپ ايتقاندا، ۇكىمەت باسشىسىنىڭ ورىنباسارى ءارى ۇلتتىق ەكونوميكا ءمينيسترى قىزمەتىنە بۇعان دەيىن «بايتەرەك» حولدينگىن باسقارعان نۇرلان بايبازاروۆ كەلدى.  قارجى ءمينيسترى ەرۇلان جاماۋبايەۆتىڭ ورىنىن ەكس-دەپۋتات ءمادي تاكييەۆ باستى. دەنساۋلىق ساقتاۋ ءمينيسترى اجار عينيات تا ورنىن بوساتتى. باس دارىگەردىڭ شىلبىرى سەناتور، مەديسينا عىلىمدارىنىڭ دوكتورى اقمارال ءالنازاروۆاعا بۇيىردى.  توتەنشە جاعدايلار ءمينيسترى سىرىم ءشارىپحانوۆ تا ورنىن بوساتتى. بۇل جاۋاپتى لاۋازىمعا پرەزيدەنتتىڭ كۇزەت قىزمەتىنىڭ باستىعى بولعان شىڭعىس ءارىنوۆ تاعايىندالدى.

ۇكىمەتتە لاۋازىمدى ورىندارىن ساقتاپ قالعاندار:

رومان سكليار – ق ر پرەمەر-مينيستردىڭ ءبىرىنشى ورىنباسارى.

عالىمجان قويشىبايەۆ – ق ر پرەمەر-مينيسترىنىڭ ورىنباسارى- ۇكىمەت اپپاراتىنىڭ باسشىسى.

مۇرات نۇرتىلەۋ – ق ر پرەمەر-مينيسترىنىڭ ورىنباسارى – سىرتقى ىستەر ءمينيسترى.

تامارا دۇيسەنوۆا - ق ر پرەمەر-مينيسترىنىڭ ورىنباسارى.

سەرىك جۇمانعارين – ق ر پرەمەر-مينيسترىنىڭ ورىنباسارى

رۋسلان جاقسىلىقوۆ – قورعانىس ءمينيسترى.

ەرجان سادەنوۆتى - ىشكى ىستەر ءمينيسترى.

ازامات ەسقارايەۆ - ادىلەت ءمينيسترى.

الماسادام ساتقالييەۆ - ەنەرگەتيكا ءمينيسترى.

ايداربەك ساپاروۆ - اۋىل شارۋاشىلىعى ءمينيسترى.

باعدات مۋسين - سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى.

عاني بەيسەمبايەۆ - وقۋ-اعارتۋ ءمينيسترى.

ەرلان نىسانبايەۆ - ەكولوگيا جانە تابيعي رەسۋرستار ءمينيسترى.

ساياسات نۇربەك - عىلىم جانە جوعارى ءبىلىم ءمينيسترى.

نۇرجان نۇرجىگىتوۆ - سۋ رەسۋرستارى جانە يرريگاسيا ءمينيسترى.

ايدا بالايەۆا - مادەنيەت جانە اقپارات ءمينيسترى.

ەرمەك مارجىقپايەۆ - تۋريزم جانە سپورت ءمينيسترى.

مارات قارابايەۆ - كولىك ءمينيسترى.

سۆەتلانا جاقىپوۆا - ەڭبەك جانە حالىقتى الەۋمەتتىك قورعاۋ ءمينيسترى.

قانات شارلاپايەۆ - ونەركاسىپ جانە قۇرىلىس ءمينيسترى.

ارمان شاققالييەۆ - ساۋدا جانە ينتەگراسيا ءمينيسترى لاۋازىمىنا تاعايىندالدى.