قمدم ءتوراعاسى ناۋرىزباي قاجى تاعان ۇلى ەگەمەن قازاقستان گازەتىنە بەرگەن سۇحبات بارىسىندا ءمۇفتياتتاعى اشىقتىق ماسەلەسى تۋرالى سۇراققا جاۋاپ بەرىپ، جاماعاتتان جينالاتىن ءپىتىر-ساداقا قايدا جۇمسالاتىنىن ءتۇسىندىردى.

"شاريعات بويىنشا زەكەت، ءپىتىر، ءپىديا ساداقالارى جاعدايى جوق جاندارعا، جەتىم-جەسىرگە، قارىزعا باتقاندارعا، اللا جولىندا قىزمەت ەتىپ جۇرگەن ازاماتتارعا، اقشاسى تاۋسىلىپ، جولدا قالعان مۇساپىرلەرگە بەرىلەدى. حالقىمىزدا باعزى زاماننان ساداقانى مەشىتكە بەرۋ ءۇردىسى قالىپتاسقان. بۇل دا – سەنىم. مەشىتكە بەرىلگەن ساداقا شاريعات قاعيدالارىنا ساي قايىرىمدىلىققا جۇمسالادى. سونىڭ ىشىندە ءپىتىر ساداقا مەشىت تىزىمىنە تىركەلگەن كومەككە مۇقتاج وتباسىلارعا، جەتىمدەرگە، جالعىز­باستى انالارعا تاپسىرىلادى. قمدب جانىندا قارجى اشىقتىعىن قامتاماسىز ەتەتىن تەكسەرۋ كوميسسياسى جۇمىس ىستەيدى. ول مەشىتكە زاتتاي نەمەسە اقشالاي تۇسكەن قاراجاتتىڭ دۇرىس ماقساتتا جۇمسالۋىن قاتاڭ قاداعالايدى. حالىقتان تۇسكەن ساداقاعا قيانات جاسالۋىنا جول بەرمەيدى. ءقازىر مەشىتكە تۇسەتىن ساداقا Kaspi QR ارقىلى جۇزەگە اسادى. "زەكەت جانە قايىرىمدىلىق" قورىنا بەرىلەتىن زەكەت تە ەلەكتروندى جۇيەمەن ورىندالادى. وزدەرىڭىزگە ءمالىم، پاندەميا كەزىندەگى قاسيەتتى قۇربان ايتتا قۇرباندىق شالۋ ءراسىمىن ونلاين رەجىمدە جۇزەگە اسىردىق" دەدى ناۋرىزباي قاجى تاعان ۇلى.

قمدب ءتوراعاسى قارجى اشىقتىعىن قامتاماسىز ەتۋ جۇمىستارى جالعاسا بەرەتىنىن اتاپ ءوتتى.