قوستانايدا "ق ر اگروونەركاسىپتىك كەشەنىن دامىتۋ" ۇلتتىق جوباسىن ىسكە اسىرۋ شەڭبەرىندە سۋبسيديا رەتىندە بولىنگەن بيۋدجەت قاراجاتىن ۇرلاۋمەن اينالىسقان توپ ۇستالدى.
قارجى مونيتورنيگ اگەنتتىگىنىڭ مالىمەتىنشە، "BEEF EXPORT GROUP" ج ش س ەت وڭدەۋ كاسىپورنى ديرەكتورىنىڭ باسشىلىعىمەن ۇيىمداسقان توپقا قاتىستى قىلمىستىق ءىس بويىنشا سوتقا دەيىنگى تەرگەۋ اياقتالدى.
- توپ ۇزاق ۋاقىت بويى "ق ر اگروونەركاسىپتىك كەشەنىن دامىتۋ" ۇلتتىق جوباسىن ىسكە اسىرۋ شەڭبەرىندە مەملەكەت سۋبسيديا رەتىندە بولگەن بيۋدجەت قاراجاتىن ۇرلاۋمەن اينالىسىپ، مەملەكەتكە 3 ملرد تەڭگەدەن استام شىعىن كەلتىرگەن. سوتقا دەيىنگى تەرگەۋ بارىسىندا كۇدىكتىلەر 107 ملن تەڭگە وتەدى، 3،1 ملرد تەڭگەنىڭ مۇلكىنە تىيىم سالىندى، – دەيدى ۆەدومستۆو.
قىلمىستىق سحەماعا 49 ادام تارتىلعان، ولاردىڭ 13ء-ى ۇيىمداسقان توپتىڭ مۇشەسى، ولارعا سۋبسيديالاردى جىمقىرۋ، سالىق تولەۋدەن جالتارۋ، زاڭسىز كاسىپكەرلىك قىزمەت، قىلمىستىق جولمەن الىنعان مۇلىكتى زاڭداستىرۋ، لاۋازىمدى تۇلعالارعا پارا بەرۋ جانە قۇجاتتاردى قولدان جاسادى دەگەن ايىپ تاعىلدى.
پىكىر قالدىرۋ