ەلدىڭ ءبىر بولىگى تاسقىنمەن اۋرە-سارساڭعا ءتۇسىپ، ەكىنشى بولىگى بيشىمبايەۆتىڭ سوتىنا تەلمىرىپ وتىرعاندا قازاقستاننىڭ ءىرى مۇناي كەن ورىندارىنداعى باتىستىق كومپانيالاردىڭ ۇلەسىن رەسەيگە بەرە سالۋ تۋرالى باستاما قىزۋ كوتەرىلىپ جاتىر.
مۇنداي ۇسىنىسپەن “پاراسات” كاسىپكەرلەر اليانسى ءتىپتى پرەزيدەنتكە دەيىن شىققان. ال قاڭتار وقيعاسى قارساڭىندا گازبەن ءجۇرۋ قىمباتتاسا، قوعامدىق كولىككە وتىڭدەر، سونى دا ءسوز قىلىپ جۇرسىڭدەر مە” دەپ ايدى اسپاننان ءبىراق شىعارعان قازىرگى ەنەرگەتيكا مينيسترلىگىنىڭ جانىنداعى قوعامدىق كەڭەس مۇشەسى ولجاس ءبايدىلدينوۆ وسى مەسەلەنى جەلپىنە كوتەرىپ ءجۇر.
ول قازاقستان ۇكىمەتى مۇناي ءوندىرۋ ىسىندە باتىستىق كومپانيالارمەن 90 جىلداردىڭ باسىنداعى شارت نەگىزىندە جۇمىس ىستەيتىندىكتەن، اي سايىن 500 ملن دوللار قاراجاتتان قاعىلىپ وتىر، ونىمەن بيۋدجەتتىڭ ءبىراز جىرتىعىن جامار ەدىك دەيدى. ال شارتتى ءبىر جاقتى وزگەرتۋ مۇمكىن ەمەس ەكەن، سوندىقتان ول تەڭىز، قاراشىعىناق، قاشاعان كەن ورىندارىنداعى باتىستىق كومپانيالاردىڭ ۇلەسىن جاڭا شارتپەن رەسەيگە بەرگەن دۇرىس دەپ سانايدى. باتىس ەلدەرى كەن ورىندارى ءۇشىن قارجىنى كرەملدىڭ ۋكرايناعا سوعىس اشقاننان كەيىن بۇعاتتالعان 300 ملرد دوللار قارجىسىنان السىن دەيدى.
ال قازاقستاننىڭ كەن ورىندارىن باتىستان الىپ، رەسەيگە بەرگەن جومارتتىعى ءۇشىن بۇعاتتاعى قارجى ەسەبىنەن روساتوم بىزگە العاشقى اتوم ەلەكتر ستانسياسىن سالىپ بەرسە بولادى دەگەندى قوسا كەتەدى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ