انتيكور گۇلميرا ساتىبالدىعا قاتىستى قىلمىستىق ءىستى سوتقا جولدادى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى حابارلادى.
"اگەنتتىك گۇلميرا ساتىبالدى مەن باسقا دا ادامدارعا قاتىستى كاسىپكەردى زاڭسىز باس بوستاندىعىنان ايىرۋ، اسا ءىرى مولشەردە بوپسالاۋ بويىنشا تەرگەۋدى اياقتادى. الماتى قالاسى تەرگەۋ سوتىنىڭ سانكسياسىمەن ساتىبالدىعا قاتىستى "قاماۋدا ۇستاۋ" تۇرىندەگى بۇلتارتپاۋ شاراسى تاڭدالدى. قىلمىستىق ءىس ءمانى بويىنشا قاراۋ ءۇشىن الماتى قالاسىنىڭ مامانداندىرىلعان اۋدانارالىق قىلمىستىق سوتىنا جولداندى"، — دەلىنگەن حابارلامادا.
ەسكە سالا كەتەيىك، گۇلميرا ساتىبالدى — نۇرسۇلتان نازاربايەۆتىڭ نەمەرە ءىنىسى قايرات ساتىبالدىنىڭ بۇرىنعى ايەلى. وعان بۇعان دەيىن كاسىپكەرلەردى زاڭسىز بوپسالادى دەگەن ايىپ تاعىلعان بولاتىن.
پىكىر قالدىرۋ