ءداستۇر بويىنشا نەگىزگى مەرەكەلىك ءىس-شارالار 28 گۆاردياشى-پانفيلوۆشىلار اتىنداعى ساياباقتا ءوتتى، دەپ حابارلايدى قالالىق اكىمدىك.
الماتى اكىمى ەربولات دوسايەۆ ماڭگىلىك الاۋعا گۇل شوقتارىن قويدى.
ءبىر مينۋت ۇنسىزدىكتەن كەيىن ۇلى وتان سوعىسىنىڭ ارداگەرلەرى، تىل ەڭبەككەرلەرى، اسكەري قىزمەتشىلەر، قۇقىق قورعاۋ ورگاندارىنىڭ وكىلدەرى، قوعام قايراتكەرلەرى مەن قالا تۇرعىندارى قازا تاپقان قازاقستاندىق جاۋىنگەرلەردى ەسكە الۋعا ارنالعان داڭق مەموريالىنا گۇل شوقتارىن قويدى.
اكىم مايدانگەرلەردى مەرەكەمەن قۇتتىقتاپ، ۇرىس الاڭىندا جانە ەڭبەك مايدانىندا كورسەتكەن ەرلىكتەرى ءۇشىن العىس ايتىپ، زور دەنساۋلىق، مول باقىت، اماندىق تىلەدى.
ءوز كەزەگىندە ارداگەرلەر كەزدەسۋ بارىسىندا قالا باسشىلىعىنا نازار اۋدارعانى ءۇشىن ريزاشىلىق ءبىلدىرىپ، الماتى تۇرعىندارى مەن قازاقستاندىقتارعا بەيبىتشىلىك پەن جاقسىلىق تىلەدى. سونداي-اق ەستەلىگىن ءبولىسىپ، ولەڭ وقىپ، سوعىس تۋرالى اندەر ايتتى.
ءقازىر الماتىدا ۇلى وتان سوعىسىنىڭ 43 ارداگەرى تۇرادى.
پىكىر قالدىرۋ