گۇلميرا ساتىبالدانىڭ سوت وتىرىسى 30 مامىر كۇنى وتەتىن بولدى. سوت پروسەسسى الماتىداعى قىلمىستىق ىستەر جونىندەگى مامانداندىرىلعان اۋدانارالىق سوتىندا اشىق تۇردە وتەدى. قازىرىگى ۋاقىتتا نازاربايەۆتىڭ ەكس-كەلىنى الماتىداعى تەرگەۋ يزولياتورىنان جەتكىزىلىپ جاتىر.
15 مامىر كۇنى ايىپتالۋشىنىڭ ادۆوكاتتارى سوت وتىرىسىن جابىق وتكىزۋدى سۇراعان. سونىمەن قاتار، بوپسالاۋ بابى بويىنشا قىلمىستىق ءىستى قىسقارتۋدى سۇراپ، قىلمىستىق ءىس جۇرگىزۋ كودەكسىنىڭ بۇزىلعانىن ايتىپ، بارلىق تەرگەۋ ارەكەتتەرىن زاڭسىز دەپ تانۋدى سۇراعان.
الايدا سوت سوتتالۋشىلاردىڭ تالاپ-ارىزدارىن قاناعاتتاندىرماي، نەگىزگى سوت تالقىلاۋىن باستاۋ تۋرالى شەشىم قابىلدادى.
