الماتىدا "مۋزەيلەر ءتۇنى" حالىقارالىق اكسياسى اياسىندا 2024 جىلدىڭ 18 مامىر كۇنى ساعات 18.00-دەن 00.00-گە دەيىن مۋزەيلەردە تاريح جانە ونەرسۇيەر قاۋىم ءۇشىن ءبىرقاتار قىزىقتى ءىس-شارا وتەدى.
ياعني، الماتى قالاسىنىڭ 8 مۋزەيىنە كىرۋ تەگىن. ونىڭ ىشىندە، قابانباي باتىر كوشەسىندە ورنالاسقان "الماتى مۋزەيى"، نۇركەنت شاعىن اۋدانىنداعى "مۋلتيمەديالىق ءداستۇرلى مۋزىكا ورتالىعى، زەنكوۆ كوشەسىندە ورنالاسقان "ىقىلاس اتىنداعى حالىق-مۋزىكالىق اسپاپتار مۋزەيى، تولەبايەۆ كوشەسىندەگى ءسابيت مۇقانوۆتىڭ مۋزەي-پاتەرى مەن عابيت مۇسىرەپوۆتىڭ مۋزەي پاتەرى، د.ا.قونايەۆ مۋزەيى، بايتۇرسىن ۇلى كوشەسىندەگى احمەت بايتۇرسىن ۇلى مۋزەي-ۇيى، قونايەۆ كوشەسىندە ورنالاسقان ءنۇرعيسا تىلەندييەۆتىڭ مەموريالدى مۋزەيىن تۇرعىندار مەن قالا قوناقتارى تەگىن تاماشالاي الادى.
پىكىر قالدىرۋ