باسەكەلەستىكتى قورعاۋ جانە دامىتۋ اگەنتتىگىنىڭ باسشىسى مارات وماروۆ Air Astana اۋەكومپانياسىنا قاتىستى جۇرگىزىلگەن تەرگەۋ قورىتىندىسىن جاريالادى. بۇل تۋرالى ول ۆەدومستۆودا وتكەن بريفينگتە ايتتى.
"ءبىز بىلتىر كومپانيانىڭ IPO قارساڭىندا Air Astana اۋە كومپانياسىنا قاتىستى ءىرى تەرگەۋدى اياقتادىق. كومپانيا جانارمايعا قوسىمشا تولەمدى نەگىزسىز وزگەرتكەن، بۇل بيلەت باعاسىنىڭ 6 پايىزعا وسۋىنە اكەلدى. ءتيىستى شەشىم قابىلدانىپ، ايىپپۇل تولەندى"، - دەدى سپيكەر.
ەسكە سالايىق، بۇعان دەيىن Air Astana كومپانياسىنا 7 ملرد تەڭگە ايىپپۇل سالىنعان بولاتىن. سوت كومپانيانىڭ ءار اۋە بيلەتىنەن جانارمايعا قوسىمشا اقى نەگىزسىز ءوندىرىپ الدى دەپ ايىپتاعان بولاتىن.
پىكىر قالدىرۋ