تىركەۋسىز نەمەسە جەكە باسىن كۋالاندىراتىن قۇجاتتارسىز تۇرعانى ءۇشىن 13 مىڭعا جۋىق ادام جاۋاپقا تارتىلدى. بۇل تۋرالى ءىىم كوشى-قون قىزمەتى كوميتەتىنىڭ ءتوراعاسى اسلان اتالىقوۆتىڭ ايتتى.
مۇنداي فاكتىلەردىڭ ەڭ كوبى الماتى، قاراعاندى وبلىستارى مەن استانا قالاسىندا تىركەلگەن. قازاقستاننىڭ 1267 ازاماتى وزدەرىندە شەتەلدىكتەردىڭ تۇراقتاعانى تۋرالى قۇزىرلى ورگاندارعا ۋاقىتىندا حابار بەرمەگەن. ولاردىڭ بارلىعى اكىمشىلىك جاۋاپكەرشىلىككە تارتىلدى. ودان بولەك، شەتەلدىك جۇمىس كۇشىن ءتيىستى قۇجاتتارسىز پايدالانعان 289 قازاقستاندىق جۇمىس بەرۋشى اكىمشىلىك جاۋاپكەرشىلىككە تارتىلدى.
شەتەلدىكتەر تاراپىنان 3126 كوشى-قون زاڭناماسىن بۇزۋ، ونىڭ ىشىندە 1655 ەلدە بولۋ مەرزىمىن بۇزۋ جانە 832 ەڭبەك قىزمەتىن زاڭسىز جۇزەگە اسىرۋ فاكتىسى انىقتالدى.
سوت شەشىمىمەن ەلدەن 284 ادام شىعارىلدى. ولار ەندى 5 جىل قازاقستانعا كىرە المايدى.
پىكىر قالدىرۋ