ول مەكەمەنىڭ ماتەريالدىق-تەحنيكالىق بازاسىمەن تانىسىپ، تۇيتكىلدى ماسەلەلەردى تىڭدادى. 1986 جىلى سالىنعان ورتالىق عيماراتى ەشقاشان جوندەلمەگەن، كەيبىر جابدىقتار ەسكىرگەن، سونىمەن قاتار مامان تاپشىلىعى ماسەلەسى بار.

«ءبىز عيماراتتى قالا بيۋدجەتى ەسەبىنەن جوندەۋ تۋرالى شەشىم قابىلدادىق. سونداي-اق عىلىمي زەرتتەۋلەرگە شامامەن 2 ملرد.تەڭگە بولىنەدى، بۇل ەڭبەكاقى تولەۋ قورىن ۇلعايتۋعا، شەتەلدىك ارىپتەستەرمەن تاجىريبە الماسۋعا، جاڭا كادرلار تارتۋعا مۇمكىندىك بەرەدى. بۇل ورتالىق قالا ءۇشىن عانا ەمەس، بۇكىل ەل ءۇشىن وتە ماڭىزدى، سوندىقتان ول الەمدىك ستاندارتتارعا ساي بولۋعا ءتيىس»، - دەدى ەربولات دوسايەۆ.

ورتالىق سەيسميكالىق ءقاۋىپتى باقىلاۋ جانە باعالاۋمەن اينالىسادى. سەيسمولوگيالىق باقىلاۋلاردىڭ رەسپۋبليكالىق جەلىسى بۇكىل ەل بويىنشا 70 ستانسادان تۇرادى. مۇندا جەر قىرتىسىنىڭ قوزعالىسى 160 ءتۇرلى ولشەم بويىنشا باقىلانادى.