بۇل رەتتە ودان ءارى دامۋ شەڭبەرىندە تەرەڭ وڭدەلگەن ونىمدەر: ماكارون جانە كونديتەرلىك ونىمدەر، كراحمال ونىمدەرى ءوندىرىسىنىڭ ۇلەسىن ۇلعايتۋ جوسپارلانۋدا.
ياعني، بيىل Tiryaki Agro تۇرىك كومپانياسى كاتارلىق Hassad Food كومپانياسىمەن بىرلەسىپ، استانا قالاسىندا استىقتى تەرەڭ وڭدەۋ بويىنشا قۇنى $400 ملن (قۋاتى – 240 مىڭ توننا) جوبانى ىسكە اسىرۋدى باستادى.

سونىڭ ىشىندە، قوستاناي وبلىسىندا وتاندىق «قوستاناي گرەين ينداستري» كومپانياسى قۇنى 50 ملرد تەڭگە (قۋاتى – 330 مىڭ توننا) استىقتى تەرەڭ وڭدەۋ جوباسىن ىسكە اسىرۋدا. ال تۇركىستان وبلىسىندا «قازقراحمال» كومپانياسى ينۆەستيسيا كولەمى 35 ملرد تەڭگە (قۋاتى – 150 مىڭ توننا) كراحمال ونىمدەرىن ءوندىرۋ ءۇشىن جۇگەرىنى قايتا وڭدەۋ جوباسىن ىسكە اسىردى. 

مينيسترلىكتىڭ مالىمەتىنشە، الداعى ۋاقىتتا كراحمال، گليۋتەن، گليۋكوزا-فرۋكتوزا ءشارباتى، ليزين، بيوەتانول تۇرىندەگى سوڭعى ونىمدەردى الەمدىك نارىقتارعا ەكسپورتتاۋ جوسپارلانىپ وتىر. سونىمەن قاتار 2024-2026 جىلدارى قازاقستاندا ءداندى داقىلداردى قايتا وڭدەۋ بويىنشا 13 جوبانى ىسكە قوسۋ جوسپارلانعان.