ەلىمىزدە بولعان سۋ تاسقىنىنان بۇلىنگەن 4 315 ءۇي اپاتتى دەپ تانىلدى. بۇل تۋرالى پرەمەر-مينيستردىڭ ورىنباسارى قانات بوزىمبايەۆ مالىمدەدى.
"الدىن الا جاسالعان قورىتىندىلارعا سايكەس، جالپى ەل بويىنشا 9 مىڭنان اسا ءۇي جوندەۋدەن وتەتىن بولادى. 4 315 ءۇي اپاتتى دەپ تانىلدى. وسىعان بايلانىستى وڭىرلەردە 1 847 ءۇي مەن پاتەردىڭ قۇرىلىسى باستالدى. بۇرىن پايدالانۋعا بەرىلگەن 3417 پاتەر مەن ءۇي ساتىپ الىنادى دەپ جوسپارلانىپ وتىر"، — دەپ مالىمدەدى ول.
ايتكا كەتەيىك، ەلىمىزدە سۋ تاسقىنى سالدارىنان 10 وبلىستا توتەنشە جاعداي جاريالانعان بولاتىن. تاسقىن سۋدان بولعان جالپى شىعىن كولەمى ازىرشە بەلگىسىز.
پىكىر قالدىرۋ