الماتى وبلىسىندا الەۋمەتتىك-دەموگرافيالىق باعىتتا ناتيجەلى جۇمىستار اتقارىلىپ كەلەدى. ماسەلەن، وڭىردەگى تۇرعىندار مەن بالا سانىنىڭ ارتۋىنا بايلانىستى ەسىك قالاسىندا جالپى ءبىلىم بەرەتىن مەكتەپتىڭ قۇرىلىس جۇمىستارىنىڭ نولدىك سيكلىنىڭ اياقتاۋىمەن جاڭا عيماراتتاردىڭ العاشقى تاسى قالاندى.

جوبا بويىنشا 900 وقۋشىعا ارنالعان جاڭا مەكتەپتەر سالىنۋدا. بۇل دەموگرافيالىق احۋالدىڭ ارتقاندىعىنىڭ بەلگىسى. سونىمەن قاتار حالىقتىڭ الەۋمەتتىك جاعدايىن ارتتىرۋ ماقساتىندا كوپبالالى وتباسىلار مەن تۇرمىسى ناشار وتباسىلارعا اتاۋلى كومەكتەر جاسالىپ كەلەدى. سونىڭ ىشىندە باسا نازار اۋداراتىندىعى، ءبىلىم بەرۋ ۇيىمدارىندا تۇرمىسى تومەن وتباسىلار ءبىلىم بەرۋ مەكەمەلەرىندە تەگىن تاماقپەن قامتىلدى.

ياعني، بيىل وبلىستا 3064 الەۋمەتتىك وسال وتباسىلاردان شىققان بالالار مەن 1160 مەكتەپكە دەيىنگى ءبىلىم بەرۋ ۇيىمدارىندا 95 475 بالا تەگىن تاماقپەن قامتىلعان. سونداي-اق ەكى جاستان التى جاسقا دەيىنگى بالالاردى مەكتەپكە دەيىنگى تاربيەمەن ءارى وقىتۋمەن قامتۋ – 92،3 پايىزدى قۇرادى. بۇل 2022 جىلمەن سالىستىرعاندا 0،7 پايىزعا ارتىپ وتىر، ال 3-6 جاس ارالىعىنداعى بالالاردى قامتۋ 94،3 پايىزدى قۇرايدى. بۇل 2022 جىلمەن سالىستىرعاندا 1،3 پايىزعا ارتقان. سونىمەن قاتار بالالاردى مەكتەپكە دەيىنگى تاربيەمەن جانە وقىتۋمەن قامتۋدى ارتتىرۋ ماقساتىمەن قادامدىق جوسپارلارعا سايكەس جاڭا ورىندار دا اشىلىپ جاتىر.  

بۇل تۋرالى الماتى وبلىسىنىڭ اكىمى مارات ەلەۋسىز ۇلى: «بالالاردىڭ سانىنىڭ ارتۋىنا بايلانىستى الماتى وبلىسىندا مەكتەپتەردىڭ جەتىسپەيتىندىگى بىلىنەدى. ياعني، ونىڭ ەلۋ ءۇشى ءۇش اۋىسىمدىق رەجيمدە جۇمىس ىستەپ كەلدى. بىلتىر ءبىز وتاندىق كاسىپكەرلەرگە «جايلى مەكتەپ» ۇلتتىق جوباسى بارىسىندا جاڭا مەملەكەتتىك مەكتەپتەردىڭ قۇرىلىستارىن قارجىلاندىرۋ بويىنشا ءوتىنىش ايتقان بولاتىنبىز. ەندى مىنە، كاسىپكەر بولات وتەمۇراتوۆتىڭ قولداۋىمەن الماتى وبلىسىنا ەسىك پەن شەلەكتە مەكتەپتەردىڭ قۇرىلىس جۇمىستارى ءجۇرىپ جاتىر» دەيدى. سونداي-اق ول: «اۋدانى 12،5 مىڭ كم2 مەكتەپ 900 وقۋشىعا ەسەپتەلگەن. وقۋ كابينەتتەرىمەن قاتار رەكرەسيالىق ايماقتارمەن وقۋ-وندىرىستىك شەبەرحانالارمەن، سپورت جانە كوۆوركينگ-كەڭىستىگىمەن جابدىقتالادى. ەسىك قالاسىندا جاڭا مەكتەپتىڭ اشىلۋى مەن اۋماعىندا تۇراتىن بارلىق بالانى قابىلداپ، الماتىعا كۇندەلىكتى قاتىناپ وقيتىن وقۋشىلاردىڭ ساپارلارىن ەداۋىر قىسقارتۋعا مۇمكىندىك بەرەدى» دەيدى.

سونداي-اق دەموگرافيالىق جاعدايدىڭ وسۋىنە بايلانىستى ەرەكشە ءبىلىم بەرۋ قاجەتتىلىكتەرى بار مەكتەپ جاسىنا دەيىنگى بالالاردى تاربيەلەۋ مەن وقىتۋعا بايلانىستى مەكتەپكە دەيىنگى ءبىلىم بەرۋ ۇيىمدارىنىڭ ۇلەسى 75،2 پايىزدى قۇرادى. ياعني، قازاقستان رەسپۋبليكاسىنداعى مەكتەپكە دەيىنگى جانە ورتا، تەحنيكالىق، كاسىپتىك ءبىلىم بەرۋدى دامىتۋدىڭ 2023-2029 جىلدارعا ارنالعان تۇجىرىمداماسى بويىنشا قازاقستان رەسپۋبليكاسىنىڭ №249 قاۋلىسىن ورىنداۋ ماقساتىندا 2023 جىلى 78 مەكتەپتى جاڭعىرتۋعا 6،4 ملرد تەڭگە قاراستىرىلىپ، 70 مەكتەپكە 86 جاڭا موديفيكاسيالانعان كابينەت ساتىپ الىندى. بۇل ءوڭىردىڭ الەۋمەتتىك-دەموگرافيالىق جاعدايىنىڭ ارتۋىنا سەپ بولدى.