قۇلسارىدا سۋ تاسقىنىمەن كۇرەس كەزىندە ءورت ءسوندىرۋ ءبولىمىنىڭ 23 جاستاعى كومانديرى قازا بولدى. بۇل تۋرالى اتىراۋ وبلىسى تجم باسپا ءسوز قىزمەتى مالىمدەدى.
"29 مامىردا اتىراۋ وبلىسى جىلوي اۋدانىنىڭ قۇلسارى قالاسىندا سۋ سورۋ بويىنشا اۆاريالىق-قۇتقارۋ جۇمىستارىن جۇرگىزۋ بارىسىندا اتىراۋ وبلىسى تجد №1 مامانداندىرىلعان ءورت ءسوندىرۋ ءبولىمىنىڭ بولىمشە كومانديرى 2001 جىلى تۋىلعان ازاماتتىق قورعاۋ سەرجانتى بەيبارىس جالعاسباي ۇلى راقىم قايتىس بولدى"، – دەلىنگەن حابارلامادا.
ءقازىر وقيعانىڭ ءمان جايى انىقتالىپ جاتىر.
ايتا كەتەيىك، راقىم بەيبارىس ازاماتتىق قورعاۋ ورگاندارىندا 2021 جىلدان باستاپ قىزمەت ەتكەن.
پىكىر قالدىرۋ