الماتى وبلىسىندا الداعى ۋاقىتتا 7 مىڭ جاڭا جۇمىس ورنى اشىلادى. جۇمىس ورىندارى ءىرى ون ءبىر ينۆەستيسيالىق جوبانى ىسكە اسىرۋ ناتيجەسىندە جۇزەگە اسپاق.
پرەمەر-مينيستر ولجاس بەكتەنوۆ الماتى وبلىسىنا جۇمىس ساپارىمەن باردى. ءىس-ساپار بارىسىندا پرەمەر-مينيستر قونايەۆ جانە الاتاۋ قالاسىن دامىتۋ جوسپارىمەن تانىسىپ قايتتى. پرەزيدەنت تاپسىرماسىمەن قونايەۆ قالاسىن ەكولوگيالىق، "اقىلدى" قالا تۇجىرىمداماسىمەن دامىتۋ جوسپارى ازىرلەنگەن. ال قونايەۆ قالاسىندا اباتتاندىرۋ جۇمىستارى بەلسەندى تۇردە جۇرگىزىلىپ جاتىر. بىلتىر 106 كم ينجەنەرلىك ينفراقۇرىلىم جەلىلەرى جوندەلدى. 610 پاتەردەن تۇراتىن 10 ءۇي سالىندى. قازىرگى تاڭدا 32 ءۇي قۇرىلىسى باستالادى دەپ جوسپارلانىپ وتىر. ابانتتاندىرۋ مەن ينجەنەرلىك ينفراقۇرىلىم سالاسىن دامىتۋ ءۇشىن مەملەكەتتىك بيۋدجەتتەن دە، جەكە سەكتور تاراپىنان دا قولداۋ كورسەتىلەدى.
ال الاتاۋ قالاسى ارنايى ەكونوميكالىق ايماقتىڭ ورتالىعىنا اينالادى. قالا اۋماعىنداعى 96 مىڭ گەكتار جەردە جالپى سوماسى 383 ملرد تەڭگەگە 11 ءىرى ينۆەستيسيالىق جوبانى ىسكە اسىرۋ جوسپارلانىپ وتىر. بۇل جوبا بارىسىندا 7 مىڭ جاڭا جۇمىس ورنىن اشۋعا مۇمكىندىك بەرەدى.
ايتا كەتەيىك، وبلىستاعى جۇمىسسىزدىق كورسەتكىشى 2024 جىلعى I توقساندا 34،8 مىڭ ادامدى قۇراعان.2024 جىلدىڭ 1 مامىرعا جۇمىسپەن قامتۋ ورگاندارىندا جۇمىسسىزدار رەتىندە تىركەلگەندەر سانى 24331 ادامدى قۇرادى نەمەسە جۇمىس كۇشىنىڭ سانىنا 3،3% بولىپ قالىپتاستى.
پىكىر قالدىرۋ