28 ساۋىردە الماتىدا وبلىس اكىمى مارات سۇلتانعازييەۆ سينگاپۋر رەسپۋبليكاسى پارلامەنتىنىڭ سپيكەرى سەا كيان پەن مىرزامەن كەزدەستى. ەكونوميكانىڭ ءتۇرلى سالالارىنداعى ەكىجاقتى ىنتىماقتاستىق ماسەلەلەرى تالقىلاندى، دەپ حابارلايدى Qamshy.kz اقپاراتتىق اگەنتتىگى.

كەزدەسۋ بارىسىندا وبلىس اكىمىنىڭ ورىنباسارى رۋستام يساتايەۆ، الاتاۋ اەا باسقارۋشى كومپانياسىنىڭ ديرەكتورى ساۋربەك جانىبەك Alatau city جوبالارىن تانىستىردى. تاراپتار ەكونوميكانىڭ ءتۇرلى سالالارىنداعى ەكىجاقتى ىنتىماقتاستىق ماسەلەلەرىن تالقىلادى.

قازاقستاننىڭ سينگاپۋرمەن تىعىز ىنتىماقتاستىعى الماتى وبلىسىمەن قارىم-قاتىناستىڭ دامۋىنا دا وڭ اسەرىن تيگىزدى. ەكى تاراپتىڭ ءوزارا ءىس – قيمىلىنىڭ قىسقا مەرزىمدى جوسپارلارىندا تۋريزم مەن اۋىل شارۋاشىلىعىن دامىتۋ، ۇزاق مەرزىمدى جوسپارلاردا-بالامالى ەنەرگەتيكا، تكش، ءبىلىم بەرۋ جانە اۋقىمدى ينۆەستيسيالىق جوبالار بولىپ تابىلادى.

– سينگاپۋردىڭ ءىرى كومپانيالارىنىڭ ەرەكشەلىگى-ولار ءوز كاپيتالىن باسقا ەلدەردىڭ ەكونوميكالارىن دامىتۋعا بەلسەندى تۇردە ينۆەستيسيالايدى. الاتاۋ قالاسىندا جوبالاردى دۇرىس ىسكە اسىرۋ - ونى بۇكىل الەم بويىنشا ىلگەرىلەتۋ ءۇشىن وتە جاقسى مۇمكىندىك، - دەپ اتاپ ءوتتى مارات سۇلتانعازييەۆ.

مىسالى، قازىرگى ۋاقىتتا سينگاپۋرلىق Surbana Jurong كومپانياسىمەن بىرلەسىپ "الاتاۋ" ينتەگراسيالانعان قالاسىن سالۋ بويىنشا جوبا بويىنشا جۇمىس جالعاسۋدا. الماتى وبلىسىنداعى ينتەگراسيالانعان الاتاۋ قالاسىن دامىتۋ تۇجىرىمداماسىنا سايكەس جوبا ءتورت تاقىرىپتىق اۋداننان تۇراتىن بولادى.

– الماتى وبلىسى-ەكونوميكالىق، وندىرىستىك، تۋريستىك الەۋەتى بويىنشا ەلىمىزدىڭ جەتەكشى وڭىرلەرىنىڭ ءبىرى. الاتاۋ قالاسىنىڭ الماتى مەن قونايەۆ قالالارى اراسىندا ورنالاسۋى ستراتەگيالىق تۇرعىدان وتە ماڭىزدى. بۇل تەك وسى ايماقتى عانا ەمەس، بۇكىل ەلدى دامىتۋدىڭ لوكوموتيۆىنە اينالادى. سينگاپۋرلىق جانە حالىقارالىق بيزنەس وسى جوبانى ىسكە اسىرۋعا قاتىسادى دەپ ۇمىتتەنەمىز، - دەپ اتاپ ءوتتى اسقار قۇتتىقادام.

ەكىجاقتى ينۆەستيسيالىق ىنتىماقتاستىق ايتارلىقتاي وسۋدە، ءتۇرلى باعىتتاردا جوعارى ناتيجەلەرگە قول جەتكىزىلدى. وتكەن جىلى ەلدەرىمىز اراسىنداعى ديپلوماتيالىق قاتىناستار 30 جىلدىعىن اتاپ ءوتتى. تاراپتار جاھاندىق باستامالارعا ءوزارا قولداۋ كورسەتەدى.