جىل باسىنان بەرى قازاقستان رەسپۋبليكاسى سىرتقى ىستەر مينيسترلىگىنىڭ ينۆەستيسيالار كوميتەتى 436،6 ملرد تەڭگەنى قۇرايتىن 29 ينۆەستيسيالىق كەلىسىمشارت جاساسقان. ينۆەستيسيالىق كەلىسىمشارتتاردىڭ باسىم بولىگى استانا، شىمكەنتتە جانە الماتى وبلىسىندا جاسالعان.

بارلىعى ءبىرىنشى توقساندا ەلەكتروندى ليسەنزيا پورتالى ارقىلى ينۆەستيسيالىق پرەفەرەنسيالار الۋعا 86 ءوتىنىش ءتۇستى. ال شەتەلدىك قاتىسۋ بويىنشا رەسەي، نيدەرلاندى جانە كيپر ۇسىنىلعان. 

"ونەركاسىپ سالاسى بويىنشا 12 كەلىسىم-شارت وڭدەۋ ونەركاسىبىندە، التى كەلىسىم-شارت كولىك جانە قويمالاۋ سالاسىندا، ءتورت كەلىسىم-شارت ونەر، ويىن-ساۋىق جانە دەمالىس سالاسىندا، ءتورت كەلىسىم-شارت تۇرعىن ءۇي جانە تاماقتاندىرۋ قىزمەتتەرىن كورسەتۋدە، ەكى كەلىسىمشارت جاسالدى. ءبىلىم جانە دەنساۋلىق ساقتاۋ سالاسىندا، ەلەكترمەن جابدىقتاۋ، گاز، بۋ بەرۋ جانە اۋا باپتاۋ سالاسىندا ءبىر كەلىسىمشارت جاسالعان"، - دەدى قازاقستان رەسپۋبليكاسى سىرتقى ىستەر مينيسترلىگىنىڭ رەسمي وكىلى ايبەك سمادياروۆ.