الماتى وبلىسىندا جالپى قۇنى 70 ميلليارد تەڭگەگە جۋىقتايتىن اۋقىمدى ينۆەستيسيالىق جوبا جۇزەگە اسىرىلماق. بۇل تۋرالى وبلىس اكىمىنىڭ باسپا ءسوز قىزمەتى حابارلادى.

«Focus Logistics» ج ش س وبلىستىڭ وڭتۇستىك وڭىرىندە لوگيستيكالىق پارك سالۋ بويىنشا ءىرى جوبانى قولعا الدى. ونى جۇزەگە اسىرۋ ايماقتىڭ لوگيستيكالىق ينفراقۇرىلىمىن دامىتۋ ءۇشىن جاڭا مۇمكىندىك بەرەدى. جوبا اياسىندا 4500-دەن استام جاڭا جۇمىس ورنى قۇرىلماق ءارى 300 000 شارشى مەتردەن استام قويما الاڭى ىسكە قوسىلادى. جوبانىڭ اياقتالۋ مەرزىمى 2028 جىل دەپ كورسەتىلگەن.

جوبانىڭ ءبىرىنشى كەزەڭى بويىنشا شامامەن 94 گا اۋماقتا «OZON» كومپانياسىنا ارنالعان «ا» سىنىپتى قويما قۇرىلىسى جۇرگىزىلۋدە. وتكەن جىلى اتالعان قويمانىڭ ىرگەتاسىن قالاۋ ءراسىمى وتكىزىلدى. قازىرگى ۋاقىتتا قۇرىلىس-مونتاج جۇمىستارى جالعاسۋدا.

اتالعان لوگيستيكالىق پاركتىڭ ۇلكەن الماتى اينالما جولىنىڭ بويىندا ورنالاسۋى كوپتەگەن ارتىقشىلىقتار بەرەدى. اسىرەسە، ءتيىمدى جۇمىس ىستەۋىنە كوپ سەپتىگىن تيگىزەدى. بۇل ستراتەگيالىق ورىن نەگىزگى ماگيسترالدارعا وڭاي قول جەتكىزۋدى قامتاماسىز ەتەدى ءارى باسقا ايماقتارمەن جانە قالالارمەن جەڭىل بايلانىسۋعا مۇمكىندىك بەرەدى. وسىنداي ىڭعايلى ورىننىڭ ارقاسىندا لوگيستيكالىق پارك تاۋارلاردى تاسىمالداۋ جانە تاراتۋمەن اينالىساتىن كومپانيالار ءۇشىن ءتيىمدى ورتالىققا اينالادى دەپ كۇتىلۋدە.