ەلوردالىق مۇگەدەك بالالاردىڭ انالارى ءۇشىن تەگىن مەديسينالىق تەكسەرۋ جۇرگىزىلدى، دەپ حابارلايدى Qamshy.kz اقپاراتتىق اگەنتتىگى.

بالالاردى قورعاۋ كۇنىنە وراي "مامينو سەردسە" اكسياسىن №6 قالالىق ەمحانادا ءوتتى. سونداي اق اتالعان اكسيانى Amanat پارتياسىنىڭ ايەلدەر قاناتى ۇيىمداستىردى.

ءىس-شارا اياسىندا ەلوردانىڭ ءارتۇرلى اۋداندارىنان مۇگەدەك بالالارى بار 60 ايەلگە ەمحانا ماماندارى-تەراپيەۆت، حيرۋرگ، ەندوكرينولوگ، ۋرولوگ، ستوماتولوگ، وفتالمولوگ، وتورينولارينگولوگ، نيەۆروپاتولوگ، كارديولوگ، ونكولوگ-ماممولوگ كەڭەس بەردى. دارىگەرلەردىڭ تاعايىنداۋى بويىنشا استانالىقتارعا قالقانشا جانە ءسۇت بەزدەرىنىڭ، ءىش قۋىسى مۇشەلەرىنىڭ ەكگ جانە ۋدز جۇرگىزىلدى.

«ەرەكشە بالالار ۇنەمى ەرەكشە كۇتىم مەن نازاردى قاجەت ەتەدى. وسىعان بايلانىستى ەرەكشە بالالاردىڭ اناسى ءوز دەنساۋلىعىنا قاراۋ ءۇشىن ۋاقىت تابا الماي قالىپ جاتادى. سول سەبەپتى ءبىزدىڭ اكسيا ەلوردالىق ايەلدەردىڭ الەۋمەتتىك ماڭىزدى اۋرۋلارىن ەرتە انىقتاۋعا زور ۇلەس قوسادى دەپ ويلايمىن»، - دەدى №6 قالالىق ەمحانانىڭ "جاس تالاپ" جاستار دەنساۋلىق ورتالىعىنىڭ جەتەكشىسى ليۋدۆيك مالينوۆسكيي.

انالار ەمحانادا تەكسەرىلىپ جاتقان كەزدە اۋرۋحانانىڭ پسيحولوگتارى ەرەكشە بالالارعا ارنالعان ارت-تەراپيا، ۇساق موتوريكانى جاقسارتۋعا ارنالعان جاتتىعۋلار جانە ءتۇرلى ساباقتار وتكىزدى.

اكسيا كونسەرتتىك باعدارلامامەن جانە جاس قوناقتارعا ەستەلىك سىيلىقتارمەن اياقتالدى.