ءبىرىنشى بايلىق-دەنساۋلىق. قازىرگى تاڭدا انا مەن بالا دەنساۋلىعى وزەكتى ماسەلەلەردىڭ ءبىرى بولىپ وتىر. وسىعان وراي الماتى وبلىسىندا وڭىردەگى انا مەن بالا ءولىمىنىڭ كورەتكىشىن تومەندەتۋ ماقساتىندا دەنساۋلىق ساقتاۋ سالاسىنىڭ قىزمەتكەرلەرىنە شەبەرلىك ساعاتارى ءوتتى. بۇل تۋرالى الماتى وبلىسىنىڭ دەنساۋلىق ساقتاۋ باسقارماسى ءمالىم ەتتى.
ءىس-شارا 2024 جىلعى 21-24 مامىر ارالىعىندا الماتى وبلىسىنىڭ رەانيماتولوگتارى مەن گينەكولوگتارى ءۇشىن ۇيىمداستىرىلعان. ساباق بارىسىندا وڭىردەگى انا مەن بالا ءولىمىنىڭ كورسەتكىشتەرىن تومەندەتۋ ماقساتىندا "حالىقارالىق تاجىريبەنى ەسكەرە وتىرىپ، اكۋشەرلىك انەستەزيولوگيانىڭ جانە قارقىندى تەراپيانىڭ وزەكتى ماسەلەلەرى" تاقىرىبىندا مۋلتيكوماندالىق ماستەر-كلاسس ءوتتى.
شەبەرلىك ساباعىن مەديسينا عىلىمدارىنىڭ دوكتورى، پروفەسسور، جوعارى ساناتتى دارىگەر، اكۋشەرلىك پاتولوگياسى بار پاسيەنتتەردىڭ "ۇلتتىق شۇعىل مەديسينانى ۇيلەستىرۋ ورتالىعىنىڭ" ساراپشى-كونسۋلتانتى ءجۇمادىلوۆ اگزام شايماردان ۇلى جۇرگىزدى.
ايتا كەتەيىك، اگزام ءجۇمادىلوۆ اكۋشەرلىك انەستەزيولوگيا جانە رەانيماسيا بويىنشا كلينيكالىق حاتتامالاردى ازىرلەۋشى بولىپ تابىلادى. ول ءۇش كۇنگە سوزىلعان شەبەرلىك ساعاتىندا ءوز تاجىريبەسىمەن بولىسە وتىرىپ، ءارتۇرلى پاتولوگيالارى بار جۇكتى ناۋقاستاردى ەمدەۋدىڭ جاڭا ادىستەرى تۋرالى ايتتى. سونداي-اق، پەرزاتحاناداعى انا مەن بالا ءولىمىنىڭ الدىن الۋ، جۇكتىلىك بارىسىندا انا مەن بالاعا مەديسينالىق كومەك كورسەتۋ ماڭىزى جايلى ءسوز قوزعادى.
پىكىر قالدىرۋ