استانادا "ادال ازامات – ادال ەڭبەك – ادال تابىس" تاقىرىبىندا دوڭگەلەك ۇستەل ءوتتى، دەپ حابارلايدى Qamshy.kz اقپارات اگەنتتىگى. 

استانادا بەلسەندى ۇزاق ءومىر ءسۇرۋ ورتالىعى "ادال ازامات – ادال ەڭبەك – ادال تابىس" تاقىرىبىندا دوڭگەلەك ۇستەل وتكىزدى، دەپ حابارلايدى ەلوردا اكىمدىگىنىڭ رەسمي سايتى.

اتالعان ءىس-شارا مەملەكەت باسشىسى قاسىم-جومارت توقايەۆتىڭ ۇلتتىق قۇرىلتايدىڭ III وتىرىسىندا بەرگەن تاپسىرمالارىن ىسكە اسىرۋ ماقساتىندا ۇيىمداستىرىلدى.

دوڭگەلەك ۇستەل جۇمىسىنا قوعام قايراتكەرلەرى، ءماسليحات دەپۋتاتتارى، استانا قالاسىنىڭ قۇرمەتتى ارداگەرلەرى مەن زيالى قاۋىم وكىلدەرى، ءوز ەڭبەگىمەن ەرەكشەلەنگەن جوعارى بىلىكتى ماماندار قاتىستى.

جينالعاندار قۇرىلتاي تۇجىرىمداماسىنا سايكەس ۇرپاقتار ساباقتاستىعى تاقىرىبىن تالقىلادى جانە تەك ادال ەڭبەك قانا تابىسقا جەتەلەيدى دەگەن پىكىرمەن ءبولىستى.

كەش قوناعى رەتىندە شاقىرىلعان باتىرلىق تانىتقان پوليسيا قىزمەتكەرى ارمان سارسەمبايەۆ "ەرلىگى ءۇشىن" مەدالىمەن ماراپاتتالدى.

سونىمەن قاتار، دوڭگەلەك ۇستەل جۇمىسىنا قاتىسقان جاس مامان، "My Mind" مەديسينالىق تەحنولوگيالار سالاسىنداعى ستارتاپتاردى ازىرلەۋشى يۋ.تۋمگويەۆ جاستاردىڭ عىلىمداعى ەڭبەگى جانە اعا بۋىن وكىلدەرىنىڭ جاس مامانداردى جۇمىسقا تارتۋعا اسەرى تۋرالى پىكىر ءبىلدىردى.

ۇلتتىق قۇرىلتاي مۇشەسى زۋلفۋحار عايىپوۆ پەن ءماسليحات دەپۋتاتى قانات ەستەك دوڭگەلەك ۇستەل جۇمىسىنىڭ ماڭىزدىلىعىن ەرەكشە اتاپ ءوتىپ، ۇيىمداستىرۋشىلارعا العىستارىن ءبىلدىردى.

"ادال ازامات – ادال ەڭبەك – ادال تابىس" دوڭگەلەك ۇستەلىندە ورتالىقتىڭ قىزمەتى تۋرالى بليس-ساۋالناما مەن بەينە كورسەتىلدى.