اعىمداعى جىلدىڭ باسىنان باستاپ 2024-2025 جىلدارعا ارنالعان "استانا – ەسىرتكىسىز قالا" ناشاقورلىققا قارسى ءىس-قيمىل جانە الدىن الۋ جونىندەگى ءىس-شارالاردىڭ كەشەندى جوسپارىن ورىنداۋ شەڭبەرىندە ادامدار كوپ جينالاتىن ورىنداردا ۇكىمەتتىك ەمەس ۇيىمدار مەن بلوگەرلەردى تارتا وتىرىپ، ويىن-ساۋىق ورىندارىندا ەسىرتكى جارناماسىن بوياۋ بويىنشا 10-نان استام اكسيا جانە ءتۇسىندىرۋ جۇمىستارى بىرلەسىپ جۇرگىزىلدى. اي سايىن ەلوردانىڭ بارلىق 5 اۋدانى بويىنشا "esirtkisiz ELORDA" جوباسى شەڭبەرىندە ۇيلەردە جانە باسقا دا وبەكتىلەردە پروفيلاكتيكالىق شتاب مۇشەلەرىن، ۇيلەردىڭ وستەرى مەن پيك-ىن، سونداي-اق قالالىق ينفراقۇرىلىمعا قىزمەت كورسەتۋ جانە كۇتىم كورسەتۋ قىزمەتتەرىنىڭ قىزمەتكەرلەرىن تارتا وتىرىپ، ەسىرتكى جارناماسىن بوياۋ بويىنشا رەيدتەر جوسپارلانۋدا. بۇل جۇمىس تۋرالى ەلوردانىڭ كوممۋنيكاسيالار قىزمەتىندە وتكەن بريفينگتە استانا قالاسىنىڭ جاستار ساياساتى ماسەلەلەرى باسقارماسىنىڭ باسشىسى سامات يبرايەۆ ايتىپ بەردى، دەپ حابارلايدى قالالىق اكىمدىكتىڭ رەسمي سايتى.

2024 جىلدىڭ باسىنان باستاپ ادامدار كوپ جينالاتىن ورىنداردا "سپورتقا تاۋەلدىلىكتى ايىرباستا" اكسياسى وتكىزىلىپ كەلەدى، ونىڭ نەگىزگى ماقساتى ۆەيپتەرگە تاۋەلدىلىك دەڭگەيىن تومەندەتۋ بولىپ تابىلادى.

بۇل اكسيا استانا قالاسىنىڭ اۋداندىق اكىمدىكتەرىمەن، ەلوردا پد ەسىرتكى قىلمىسىنا قارسى ءىس-قيمىل باسقارماسىمەن، دەنە شىنىقتىرۋ جانە سپورت باسقارماسىمەن جانە قازاقستاندىق سپورتشىلارمەن بىرلەسىپ وتكىزىلەدى.

سىيلىقتاردىڭ اراسىندا تەننيس جيىنتىقتارى، بوكس قولعاپتارى بار. سىيلىقتار بەرىپ، ونىڭ ورنىنا ۆاپالار مەن سنۋس پاكەتتەرىن الىپ، بەلسەندىلەر قۇرامىندا نيكوتين بار قۇرىلعىلاردىڭ زيانى تۋرالى ايتادى.

"كەلەسى وقۋ جىلىنىڭ باسىنان باستاپ (2024 جىلعى قىركۇيەك) ەسىرتكىنى تۇتىنۋدىڭ الدىن الۋ بويىنشا سەمينارلار وتكىزۋ ءۇشىن قۇقىق قورعاۋ ورگاندارىنىڭ جاتتىقتىرۋشىلارىن، پسيحولوگتارىن جانە ۋاكىلەتتى قىزمەتكەرلەرىن تارتا وتىرىپ، ورتا جانە ارناۋلى ورتا وقۋ ورىندارىندا ستۋدەنتتەر مەن كامەلەتكە تولماعاندار اراسىندا پروفيلاكتيكالىق جۇمىستار جۇرگىزۋ جوسپارلانۋدا"،-دەدى باسقارما باسشىسى.

ديسپانسەرلىك ەسەپتە تۇرعان ەسىرتكىگە تاۋەلدى ادامداردىڭ سانىن ازايتۋ، جاستار اراسىندا ناشاقورلىقتىڭ تارالۋىنىڭ الدىن الۋ قاجەتتىلىگى تۋرالى ۇسىنىستاردى باسشىلىققا الا وتىرىپ، قالادا "ESIRTKISIZ ELORDA"جاستار قوزعالىسىن ىسكە اسىرۋ جوسپارلانۋدا.

جوبانى ىسكە اسىرۋ بارىسىندا اعىمداعى جىلدىڭ سوڭىنا دەيىن مىناداي جۇمىستار جوسپارلانۋدا:

- بارلىق مەديا سايتتار ءۇشىن قوعامدىق پىكىر كوشباسشىلارىن تارتا وتىرىپ، ءارتۇرلى الەۋمەتتىك توپتار ءۇشىن پروفيلاكتيكالىق كونتەنت قۇرۋ، اتاپ ايتقاندا الەۋمەتتىك جەلىلەردە روتاسيالاۋ ءۇشىن بەينەروليكتەر، پودكاستتار، چەللەندجدەر، ستيكەربومبينگ اكسيالارى، ريلس/تيكتوك بەينەلەرى سەرياسىن ءتۇسىرۋ؛

- استانا ءدارىحانالارىندا دارىلىك پرەپاراتتار مەن پسيحواكتيۆتى زاتتاردى وتكىزۋ نورمالارىنىڭ ساقتالۋىن قوعامدىق قاداعالاۋ بويىنشا اكسيالار وتكىزۋ؛

- ەسىرتكى ساتاتىن جارنامالار مەن رەسۋرستاردى بۇعاتتاۋ؛

- نۇكتەلىك پروفيلاكتيكانى وقىتۋ؛

- قۇقىق قورعاۋ ورگاندارىنا كومەك كورسەتۋگە جۇرتشىلىق پەن جاستاردى تارتۋ بويىنشا اكسيالار؛

- بەيىندى ۇەۇ قاتىسۋىمەن ەسىرتكىگە جانە ەسىرتكى بيزنەسىنە قارسى كۇرەسكە باعىتتالعان ازاماتتىق باستامالاردى ىسكە اسىرۋدا تاجىريبە الماسۋ جونىندەگى ءىس-شارالار؛

- ەسىرتكى بيزنەسىنە قارسى كۇرەستە ەرىكتىلەر مەن قوعامدىق ۇيىمدارعا جاردەمدەسۋ بويىنشا مەملەكەتتىك جانە ورىس تىلدەرىندە ادىستەمەلىك قۇرال ازىرلەۋ؛

- جوو بازاسىندا وتكىزىلەتىن ەسىرتكى بيزنەسىنە بايلانىستى ىستەر بويىنشا كوشپەلى سوتتار؛

- سالاۋاتتى ءومىر سالتىن ناسيحاتتاۋ ماقساتىندا ونلاين جانە وفلاين كونكۋرستار (چەللەندجدەر، جارىستار جانە ت. ب.)؛

جوبا شەڭبەرىندە باسقا دا شارالاردىڭ قاتارىندا 1500 پروفيلاكتيكالىق ءىس-شارالار وتكىزۋ، ەسىرتكى قىلمىسى تۋرالى ءانونيمدى شاعىم جانە پسيحولوگيالىق كومەككە جۇگىنۋ ءۇشىن QR كودى بار ينتەراكتيۆتى اقپاراتتىق ستەند قۇرۋ، ەلورداداعى ەسىرتكى احۋالى تۋرالى الەۋمەتتانۋلىق زەرتتەۋلەر جۇرگىزۋ جوسپارلانۋدا.