كۇن تارتىبىنە سايكەس، پارلامەنت «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» ق ر كونستيتۋسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» ق ر كونستيتۋسيالىق زاڭ جوباسىن تالقىلايدى.
پالاتا وتىرىسىنا دەپۋتاتتىق كورپۋستان بولەك، ق ر جوعارى سوت كەنەسىنىڭ ءتوراعاسى دەنيس شيپپ، ق ر جوعارعى سوتىنىڭ ازاماتتىق ىستەر جونىندەگى سوت القاسىنىڭ ءتوراعاسى نۇرسەرىك ءشارىپوۆ، ق ر جوعارعى سوتىنىڭ قىلمىستىق ىستەر جونىندەگى سوت القاسىنىڭ ءتوراعاسى نازگۇل راحمەتۋللينا، ق ر جوعارعى سوتىنىڭ اكىمشىلىك ىستەر جونىندەگى سوت القاسىنىڭ ءتوراعاسى اسلان تۋكييەۆ، ق ر سوت اكىمشىلىگىنىڭ باسشىسى نايل احمەتزاكيروۆ، ق ر ادىلەت ۆيسە-مينيسترى لاۋرا مەرساليموۆا قاتىسىپ جاتىر.
بۇدان بۇرىن حابارلانعانداي، 12 ماۋسىمدا ءماجىلىس ءتوراعاسى ەرلان قوشانوۆ پارلامەنت پالاتالارىنىڭ بىرلەسكەن وتىرىسىن شاقىرۋ تۋرالى وكىمگە قول قويدى.
«قازاقستان رەسپۋبليكاسى كونستيتۋسياسىنىڭ 58-بابى 4-تارماعىنىڭ 2-تارماقشاسىنا سايكەس قازاقستان رەسپۋبليكاسى پارلامەنتى پالاتالارىنىڭ بىرلەسكەن وتىرىسى 2024 جىلعى 14 ماۋسىم ساعات 09.30-دا استانا قالاسىندا شاقىرىلسىن» دەپ جازىلعان وكىم ماتىنىندە.
پىكىر قالدىرۋ