شىمكەنتتە اسىراپ العان بالالارىنا قورلىق كورسەتكەن ەمشى ۇلىقبەك سمانوۆ پسيحيكالىق اۋىتقۋىنا بايلانىستى قىلمىستىق جازادان قۇتىلىپ كەتتى.

ءىس شىمكەنت قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىندا قارالعان. وعان قىلمىستىق كودەكستىڭ 140-بابىنىڭ 2-بولىگى (كامەلەتكە تولماعان ادامدى تاربيەلەۋ جونىندەگى مىندەتتەردى ورىنداماۋ)، 110-بابىنىىڭ 2-بولىگىنىڭ 1،2-تارماقتارى (قيناۋ) بويىنشا ايىپ تاعىلعان.

سوت-پسيحياتريالىق ساراپتاما ۇ.سمانوۆ سوزىلمالى جانە پسيحيكالىق اۋرۋمەن اۋىرادى جانە ءوز ىس-ارەكەتتەرىن جاساۋ كەزىندە ەس-تۇسسىز جاعدايدا بولعان دەگەن قورىتىندى شىعارعان. قىلمىستىق كودەكستىڭ 16-بابىنا (ەسi دۇرىس ەمەستiك) سايكەس،  قوعامعا قاۋiپتi ىس-ارەكەتتi جاساعان ۋاقىتتا ەسi دۇرىس ەمەس كۇيدە بولعان ادام ءوزىنىڭ ارەكەتتەرiنiڭ (ارەكەتسiزدiگiنiڭ) iس ءجۇزiندەگi سيپاتى مەن قوعامعا قاۋiپتiلiگiن ۇعىنا المايدى، سايكەسىنشە، قىلمىستىق جاۋاپكەرشىلىكتەن بوساتىلادى.

سوت ۇ.سمانوۆتى قىلمىستىق جاۋاپكەرشىلىكتەن بوساتىپ، مامانداندىرىلعان ۇلگىدەگى پسيحياتريالىق ستاسيوناردا ءماجبۇرلى تۇردە ەمدەۋ تۋرالى شەشىم شىعاردى.

ال بالالاردى پسيحيكالىق اۋرۋمەن اۋىراتىن ادامنىڭ قامقورلىعىنا بەرۋ فاكتىسى بويىنشا وقۋ-اعارتۋ مينيسترلىگىنە، استانا، الماتى جانە شىمكەنت قالالارىنىڭ ءبىلىم باسقارمالارىنىڭ قورعانشىلىق جانە قامقورشىلىق ورگاندارىنا، سونداي-اق شىمكەنت قالالىق پوليسيا دەپارتامەنتىنە  جەكە قاۋلى شىققان.