ونىڭ سوزىنشە، مەملەكەت ازاماتتارمىز الدىنداعى بارشا الەۋمەتتىك مىندەتتەمەلەرىن تولىق ورىنداپ كەلەدى.

- ءاربىر بەسىنشى قازاقستاندىق مەملەكەتتەن الەۋمەتتىك قولداۋ الىپ جاتىر. ونىڭ قولجەتىمدىلىگىن ارتتىرۋدا سيفرلىق ونىمدەردى ەنگىزۋ ءتيىمدى. بىلتىر بۇل سالاداعى سيفرلاندىرۋ ناتيجەلەرى بۇۇ جانە حالىقارالىق ينستيتۋتتاردىڭ وڭ باعاسىن الىپ، وزگە ەلدەرگە ۇلگى ەتىپ كورسەتىلىپ كەلەدى، - دەپ ايتتى ۆيسە-پرەمەر.

بۇگىندە الەۋمەتتىك قولداۋدىڭ 27 ءتۇرى بويىنشا قىزمەت پرواكتيۆتى فورمات اياسىندا جۇرگىزىلىپ كەلەدى.

- بىلتىر مەملەكەت باسشىسىنىڭ جولداۋىندا قاراستىرىلىپ، وزدەرىڭىزدىڭ تاراپتارىڭىزدان قولداۋ تاپقان ءقاۋىپتى جۇمىس ورىندارداعى قىزمەتكەرلەردىڭ ارناۋلى جاردەم اقىلارى بيىلدىڭ باسىنان تولەنىپ جاتىر. بۇگىندە ونى الۋشىلاردىڭ سانى 7 140 ادامعا جەتىپ، ول ماقساتقا 1،2 ملرد تەنگە قارجى جۇمسالدى. بۇل جۇمىس جالعاسىپ جاتىر. نەگىزگى ستاندارت بولىپ قولدانىلاتىن كۇنكورىس دەڭگەيى بويىنشا ايتقان سىندارىڭىز بويىنشا دا وزگەرىستەر قارالىپ جاتىر. ياعني الەۋمەتتىك كودەكستە قارالعانداي، ەندىگى جىلدان مەدياندىق تابىسقا ءوتۋ مەحانيزمدەرى پىسىقتالىپ جاتىر، - دەدى دۇيسەنوۆا.

بۇل حالىقتىڭ تابىس دەڭگەيىنىڭ ناقتى كورسەتكىشى رەتىندە حالىقارالىق پراكتيكادا اتاۋلى الەۋمەتتىك كومەكتى تاعايىنداۋدا قولدانىلادى. قازاقستاندا كەزەڭ-كەزەڭىمەن وسى مەحانيزم ەنگىزىلمەك.