شىمكەنتتە جىل باسىنان بەرى كامەلەتكە تولماعان 73 قىز بالا جۇكتى بولعان. بۇل تۋرالى قالالىق دەنساۋلىق ساقتاۋ باسقارماسىنىڭ ماماندارى مالىمدەدى. ولاردىڭ سوزىنشە، نەبارى 5 ايدىڭ ىشىندە 17 جاستاعى 38 ءجاسوسپىرىم بوسانعان.
"2024 جىلى 5 ايدا قالا بويىنشا بوسانعان جاسوسپىرىمدەر سانى - 55. 2023 جىلى 54 بولعان. 2024 جىلى 5 ايدا قالا بويىنشا رسب پورتالىنان بوسانعان جاسوسپىرىمدەر سانى - 44. ونىڭ ىشىندە 15 جاسقا دەيىنگى - 1، 16 جاستا - 5، 17 جاستا - 38"، – دەيدى شىمكەنت قالالىق دەنساۋلىق ساقتاۋ باسقارماسى باسشىسىنىڭ ورىنباسارى ساۋلە دۇيسەنبايەۆا.
ايتا كەتەيىك، ستاتيستيكاعا سۇيەنسەك، ەلىمىزدە ورتا ەسەپپەن 100 قىزدىڭ ۇشەۋى كامەلەتكە تولماي جۇكتى بولادى. ماماندار ەرتە جۇكتىلىكتىڭ الدىن الۋ بويىنشا ءتۇرلى باعدارلامانىڭ جۇرگىزىلىپ جاتقانىن ايتادى. الايدا ناتيجەسى ءالى دە كوڭىل كونشىتپەي وتىر.
پىكىر قالدىرۋ