وسىعان بايلانىستى قالا اكىمى اسحات بەردىحانوۆ كاسىپكەرلەرمەن كەزدەسىپ، ءمان-جايدى ءتۇسىندىردى.

الەۋمەتتىك جەلىدە قونايەۆ قالاسىندا جالپى اۋماعى 7.12 گا جەر قىتايلىقتارعا بەرىلدى دەگەن اقپارات تاراعان. قونايەۆ قالاسى اكىمىنىڭ باسپا ءسوز قىزمەتىنىڭ اقپاراتى بويىنشا، "جىبەك جولى" ج ش س №8 جاعاجايدى اباتتاندىرۋ جوباسىن قولعا الىپ، ينۆەستيسيا قۇيۋعا نيەتتەنگەن. جەر كولەمى – 7.9 گەكتار.

"جاعاجايدىڭ قاسىنداعى 7.12 اۋماقتى الىپ جاتقان جەر، ياعني №7 جاعاجايدىڭ ءبىر بولىگى ينۆەست جوبانىڭ قۇرامىنا كىرىپ جاتىر. جالپى اۋماعى 15 گا جاعالاۋ اتتراكسيوندار پاركىنە اينالماق. قازىرگى تاڭدا №7 قالالىق جاعاجايدا 40-تان استام كاسىپكەر قىزمەت ەتۋدە. ولار ءدامحانا، تاپشان، شاتىرلاردى مەملەكەتتەن جالعا الىپ وتىر. مۇنداعى 2 بيزنەس ورنى اتالعان ينۆەستجوبانىڭ قۇرامىنا ەندى. كاسىپكەرلەر بيىلعى شومىلۋ ماۋسىمى بىتكەنشە جۇمىس جاسايدى"، - دەلىنگەن حابارلامادا.

ونىڭ ايتۋىنشا، قالانىڭ بەكىتىلگەن باس جوسپارىنا سايكەس، قالاداعى 9 جاعاجايدى دا اباتتاندىرۋ جوسپارلانىپ جاتىر. بيىل زاماناۋي ستيلدە جاسالعان №5 جاعاجاي قولدانىسقا بەرىلدى.