ناتيجە بويىنشا:
- ەڭبەك قاتىناستارى سالاسىندا 87 مىڭ ادامنىڭ قۇقىعى قالپىنا كەلتىرىلدى، 3 مىڭ قىزمەتكەردىڭ الدىندا 202 ملن تەڭگەگە جالاقى بويىنشا بەرەشەك ءوندىرىپ الىندى.
- 350 ينۆەستورعا كومەك كورسەتىلدى. ولاردىڭ ەكونوميكاعا قوسقان ۇلەسى 6،4 ترلن تەڭگەنى قۇرادى. «پروكۋرورلىق سۇزگى» ارقىلى مەملەكەتتىك ورگانداردىڭ 2300 ماتەريالى ءوتتى.
- بۇگىنگى تاڭدا 44 مىڭ كاسىپكەردىڭ قۇقىقتارى قالپىنا كەلتىرىلدى. ولارعا قاتىستى مەملەكەتتىك ورگانداردىڭ التى مىڭنان استام تىيىم سالۋ جانە شەكتەۋ شارالارى جويىلدى (ولاردىڭ باسىم كوپشىلىگى مەملەكەتتىك كىرىستەر جەلىسى بويىنشا – 6050).
- الەۋمەتتىك-ەكونوميكالىق سالادا پروكۋرورلاردىڭ اكتىلەرى بويىنشا 2،5 ملن ادامنىڭ قۇقىقتارى قالپىنا كەلتىرىلدى. بيۋدجەتكە 41 ملرد تەڭگە كولەمىندە كەلتىرىلگەن زالال وتەلدى. 167 قىلمىستىق ءىس قوزعالدى، 75 ادام سوتتالدى.
- اكتيۆتەردى قايتارۋ بويىنشا مەملەكەتكە 312 ملرد تەڭگە، ونىڭ ىشىندە شەتەلدەن – 63 ملرد تەڭگە قايتارىلدى. 50 ملرد تەڭگەگە 513 مىڭ گەكتار وليگوپوليا جەرى تاركىلەندى.
- 800-دەن استام ازاماتتى قىلمىستىق ورتاعا نەگىزسىز تارتۋدىڭ جولى كەسىلدى.
- پروكۋرورلاردىڭ نارازىلىقتارى مەن وتىنىشتەرى بويىنشا 34 سوتتالۋشىنىڭ جاعدايى جاقساردى، 2 ادام اقتالدى.
- 708 زاڭسىز ۇستالعان ادام بوساتىلدى.
جالپى، 8%- كە قىلمىس تومەندەدى (61 422-دەن 56 369-عا دەيىن).
سونداي-اق بيىل ارنايى پروكۋرورلار ءبىرقاتار رەزونانستىق ىستەر بويىنشا تەرگەپ-تەكسەرۋدى اياقتادى جانە ولاردى سوتقا جىبەردى.
«حالىقارالىق ىنتىماقتاستىقتى نىعايتۋ بويىنشا جۇمىستار جالعاستىرىلۋدا. بيىل كيپرمەن سوتتالعانداردى بەرۋ تۋرالى جانە قاتارمەن قۇقىقتىق كومەك كورسەتۋ جانە ۇستاپ بەرۋ تۋرالى حالىقارالىق شارتتارعا قول قويىلدى. ولار پارلامەنتتە راتيفيكاسيالانۋدا. باسقا ەلدەردەن شەتەلدە جاسىرىنعان 13 ىزدەۋدە جۇرگەن ادام ەكستراديسيالاندى»، - دەپ حابارلادى باس پروكۋراتۋرا.
پىكىر قالدىرۋ