باس پروكۋراتۋرا مەن ىشكى ىستەر مينيسترلىگىنىڭ ينتەرپول قىزمەتكەرلەرى قارجى پيراميداسىن باسقارعان قازاقستان ازاماتشاسىن قىلمىستىق جاۋاپكەرشىلىككە تارتۋ ءۇشىن ەلگە ەكستراديسيالادى.
2019 - 2021 جىلدار ارالىعىندا كۇدىكتى قوستاناي وبلىسىنداعى "Finiko" قارجى پيراميداسىنىڭ قۇرىلىمدىق بولىمشەسىن باسقارىپ، جالپى سوماسى 167 ملن تەڭگەدەن استام سوماعا قىرىققا جۋىق جابىرلەنۋشى الدانعان.
قىلمىستىق ءىس اشكەرە بولعاننان كەيىن كۇدىكتى ارمەنيادا جاسىرىنعان. قازىرگى ۋاقىتتا كۇدىكتى اقتاۋ قالاسىنىڭ تەرگەۋ يزولياتورىنا قاماققا الىندى.
كۇدىكتىگە 7 جىلعا دەيىنگى مەرزىمگە بەلگىلى ءبىر قىزمەتپەن اينالىسۋ قۇقىعىنان ايىرا وتىرىپ، مۇلكى تاركىلەنىپ، 5 جىلدان 12 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن.
پىكىر قالدىرۋ