يتاليادا ەتنا جانە سترومبولي جانارتاۋلارى اتقىلاپ جاتىر. تابيعي جاعدايعا بايلانىستى سيسيلياداعى كاتانيي اۋەجايى ۋاقىتشا جۇمىسىن توقتاتقان، دەپ حابارلادى Reuters.
يتاليالىق ازاماتتىق قورعانىس اگەنتتىگى ءقاۋىپتىڭ قىزىل دەڭگەيىن جاريالاپ، سترومبوليدە جاعداي ۋشىعا ءتۇسۋى مۇمكىن ەكەنىن حابارلادى. ازاماتتىق قورعانى ءمينيسترى نەللو مۋسۋمەچي بيلىك جاعدايدى ءجىتى باقىلاپ وتىرعانىن، توتەنشە جاعدايعا دەپ ەۆاكۋاسيا جوسپارىن ازىرلەپ جاتقانىن جەتكىزدى. ال ارالداعى ءورت ءسوندىرۋ بريگاداسى قىزمەتكەرلەرىنىڭ سانىن ەسەلەپ ارتتىرعان.
كاتانييدە تۇرعىندار مەن جەرگىلىكتى بيلىك كوشەلەردى جانارتاۋ كۇلىنەن تازارتىپ جاتىر.
پىكىر قالدىرۋ