ارىس قالاسىنداعى اسكەري ءبولىم اۋماعىندا ەكى ازاماتتىق تۇلعا جانە ءبىر كەلىسىمشارت بويىنشا اسكەري قىزمەتشى قازا تاپتى. بۇل تۋرالى قورعانىس مينيسترلىگى حابارلادى.
مينيسترلىك مالىمەتىنشە، مارقۇمدار كارىز جۇيەسىن تازالاۋ كەزىندە كارىز گازىنا ۋلانىپ مەرت بولعان.
"وقيعا جۇمىس بارىسىندا ابايسىزدا قۇدىققا قۇلاپ كەتكەن شىمكەنت اۋداندىق پايدالانۋ ءبولىمىنىڭ جۇمىسشىسىن قۇتقارۋ كەزىندە ورىن الدى. وعان كومەككە كەلگەن تاعى ەكى جۇمىسشى مەن كەلىسىمشارت بويىنشا ەكى اسكەري قىزمەتشى دە جاعدايدىڭ ناشارلاۋىنا بايلانىستى جوعارى جاققا كوتەرىلىپ شىعا المادى. ناتيجەسىندە ءۇش ادام سول جەردە قازا تاپتى. تاعى ءبىر جۇمىسشى مەن اسكەري قىزمەتشى ارىس قالاسىنىڭ اۋرۋحاناسىنا جەتكىزىلدى. قازىرگى تاڭدا ولاردىڭ جاعدايى تۇراقتى-اۋىر دەپ باعالانىپ وتىر" دەلىنگەن حابارلامادا.
اتالعان فاكتى بويىنشا قىلمىستىق كودەكستىڭ ەڭبەكتى قورعاۋ ەرەجەلەرىن بۇزۋ بابى بويىنشا تەرگەۋ باستالعان.
پىكىر قالدىرۋ