بولاشاققا ينۆەستيسيالار: 145 وقۋشى حالىقارالىق جانە رەسپۋبليكالىق وليمپيادالارداعى جەتىستىكتەرى ءۇشىن ماراپاتتارعا يە بولدى.

اعىمداعى جىلدىڭ 13 ماۋسىمىندا الماتى وبلىسىنىڭ وبلىستىق ورتالىعىنىڭ مادەنيەت ۇيىندە دارىندى بالالاردى قولداۋعا جانە كوتەرمەلەۋگە باعىتتالعان دارىندى وقۋشىلاردىڭ جەتىستىكتەرى فورۋمى – اۋقىمدى ءىس-شارا ءوتتى. وقۋ جىلىنىڭ اياقتالۋى ءبىزدىڭ ءوڭىردى حالىقارالىق جانە رەسپۋبليكالىق وليمپيادالاردا دارىپتەگەن 145 وقۋشىنى قۇرمەتتەۋگە سەبەپ بولدى.

ىلە، قاراساي، ەڭبەكشىقازاق اۋداندارىنىڭ وقۋ ورىندارى، "ارىستان" ليسەيى، "دانا" جەكەمەنشىك مەكتەبى جانە الحانبەك مالكەيەۆ اتىنداعى "ءبىلىم-يننوۆاسيا" وبلىستىق ليسەيى كوپتەگەن ماراپاتتار مەن جەتىستىكتەرگە قول جەتكىزدى.

ءىس-شاراعا "ءبىلىم-يننوۆاسيا" وبلىستىق ليسەيىنىڭ وقىتۋشىلارى تامارا ەششانوۆا مەن اۋكەنوۆ بەكزات، ىلە اۋدانىنىڭ №38 مەكتەبىنىڭ قۇقىق ءمۇعالىمى نارىموۆا لەيلا، ەڭبەكشىقازاق اۋدانىنىڭ №1 راحات ورتا مەكتەبىنىڭ حيميا ءمۇعالىمى نۇرتاي ەرنازار قاتىستى.

"ءبىلىم بەرۋدەگى جوعارى جەتىستىكتەر – پرەزيدەنت قاسىم-جومارت كەمەل ۇلى توقايەۆتىڭ ەرەكشە كوزقاراسى مەن قولداۋىنىڭ ناتيجەسى. وسىنىڭ ارقاسىندا ءبىزدىڭ وبلىستا ءبىلىم بەرۋ جۇيەلى تۇردە دامىپ كەلەدى. وتكەن وقۋ جىلىندا ءبىلىم بەرۋ ساپاسى 67،2%–. قۇرادى (2023 جىلى-65،8%). بيىل مەكتەپتى بىتىرگەن 14 مىڭ تۇلەكتىڭ 1206-سى ۇزدىك اتتەستات الدى، 946 بالا "التىن بەلگى" يەگەرى اتاندى، – دەپ اتاپ ءوتتى ءوڭىر باسشىسى.

"ەڭبەكشىقازاق اۋدانىنىڭ №1"راحات" ورتا مەكتەبىنەن ابدۋحاميت نۇريسلام - رەسپۋبليكاداعى اۋىل وليمپياداسىنداعى جالعىز ءابسوليۋتتى جەڭىمپاز؛ "ءبىلىم-يننوۆاسيا" ليسەيىنەن حالەل مۋسليم؛ تالعار اۋدانىنىڭ گاگارين اتىنداعى №8 ليسەيىنەن الەكسانوۆا انگەلينا؛ "ارىستان" ليسەيىنەن ابدىكەش ميراس؛ كويشيمان ايزەرە قونايەۆ قالاسىنىڭ مەكتەپ-گيمنازياسىنان؛ ىلە اۋدانىنىڭ №38 گيمنازياسىنىڭ وقۋشىلارى – بەكمۇحامەت ايشا مەن فۋرسوۆا ميلانا. ولاردىڭ تالانتى مەن تۇراقتى جەتىستىكتەرى بارلىق قاتىسۋشىلار ءۇشىن ماقتانىش پەن تاڭدانۋدىڭ وبەكتىسىنە اينالدى"، - دەپ اتاپ ءوتتى مارات سۇلتانعازييەۆ.

سالتاناتتى جيىندا جۇلدەگەرلەرگە الماتى وبلىسى اكىمىنىڭ اتىنان العىس حاتتار تابىستالدى.

ءىس – شارا وقۋ جىلىن قورىتىندىلاپ قانا قويماي، جەتىستىكتەردى اتاپ ءوتتى، سونىمەن قاتار تالانتتى بالالاردى-ەلىمىزدىڭ بولاشاعىن قولداۋدىڭ ماڭىزدىلىعىن ەسكە سالدى.