باس پروكۋراتۋرا بويجەتكەندى زورلاماق بولعان قازاقستاندىق گرۋزيادان ەكستراديسيالانعانىن حابارلادى.
پروكۋراتۋرا مالىمەتىنشە، كۇدىكتى 2020 جىلى شىمكەنت قالاسىندا بويجەتكەندى زورلاماق بولعان. جابىرلەنۋشى بەلسەندى قارسىلىق كورسەتىپ، قىلمىسكەردىڭ قولىنان قاشىپ قۇتىلعان.
"سوت اتالعان تۇلعانى كىنالى دەپ تانىعان، الايدا سوتتالعان ۇكىمدى جاريالاۋىنا قاتىسپاي، جاسىرىنىپ، تاعايىندالعان جازانى وتەۋدەن جالتارعان. سوعان بايلانىستى ول حالىقارالىق ىزدەستىرۋگە جاريالاندى. 2023 جىلعى قازاندا سوتتالۋشى گرۋزيا اۋماعىندا ۇستالدى. قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا گرۋزيالىق تاراپ ونى ەكستراديسيالاۋ تۋرالى شەشىم قابىلدادى. قازىرگى ۋاقىتتا ول استانا قالاسىنىڭ تەرگەۋ يزولياتورىنا قامالدى" دەلىنگەن حابارلامادا.
پىكىر قالدىرۋ