الماتىدا مەترو سالۋ جانە كولىك تورابى قۇرىلىسى ءۇشىن جەر تەلىمدەرى ماجبۇرلەپ الىنادى. بۇل تۋرالى الماتى قالاسى اكىمدىگىنىڭ 2024 جىلعى 27 ماۋسىمداعى "مەملەكەت مۇقتاجى ءۇشىن جەر ۋچاسكەلەرىن الىپ قويۋعا بايلانىستى جەر ۋچاسكەلەرىن نەمەسە وزگە دە جىلجىمايتىن مۇلىكتى ماجبۇرلەپ يەلىكتەن شىعارۋدى باستاۋ تۋرالى" قاۋلىسىندا جازىلعان.
"الماتى قالاسى ناۋرىزباي اۋدانىنداعى قالقامان ستانساسىنان "بارلىق" بازارىنا دەيىنگى مەتروپوليتەننىڭ ءبىرىنشى جەلىسىنىڭ ءۇشىنشى كەزەگىن سالۋ ءۇشىن ورنالاسقان جەر ۋچاسكەلەرىن مەملەكەت مۇقتاجى ءۇشىن الىپ قويۋعا بايلانىستى جەر ۋچاسكەلەرىن نەمەسە وزگە دە جىلجىمايتىن مۇلىكتى ماجبۇرلەپ يەلىكتەن شىعارۋدى باستالادى" – دەلىنگەن قاۋلى ماتىنىندە.
جەر تەلىمدەرىن يەلىكتەن شىعارۋ پروسەسى 2026 جىلدىڭ 31 جەلتوقسانىنا دەيىن جالعاسادى. جەر تەلىمدەرىنىڭ يەلەرىنە زاڭدا بەلگىلەنگەن تارتىپپەن وتەماقى تولەنەدى.
پىكىر قالدىرۋ