132 مامان تاعىلىمدامادان ءوتۋ ديپلومىنا يە بولدى. ونىڭ ىشىندە حالىقارالىق وليمپيادالار مەن جارىستاردىڭ جەڭىمپازدارى، سونداي-اق ۇزدىك ديپلوم يەگەرلەرى بار.
پەدياتريا دەنساۋلىق ساقتاۋ جۇيەسىندە نەگىزگى ءرول اتقارادى. ول بالالارداعى اۋرۋلاردى ەرتە انىقتاۋ جانە ەمدەۋدى، پروفيلاكتيكا مەن ۆاكسيناسيانى قامتاماسىز ەتەدى. سونداي-اق دامۋ مەن ءوسۋدى باقىلاپ، بالالار ءولىمىن ازايتۋعا جاردەمدەسىپ، اتا-انالارعا قولداۋ كورسەتەدى.
دەنساۋلىق ساقتاۋ مينيسترلىگىنىڭ مالىمەتىنشە، رەزيدەنتۋرادا وسى ماماندىق بويىنشا جوعارى ءبىلىمى بار كادرلاردى ەلىمىزدە 8 مەديسينالىق جوعارى وقۋ ورنى مەن 2 عىلىمي-زەرتتەۋ ينستيتۋتى دايىندايدى.
دەنساۋلىق ساقتاۋ مينيسترلىگى جىل سايىن وڭىرلەردىڭ قاجەتتىگىن ەسكەرە وتىرىپ، باكالاۆريات بويىنشا 500 مەملەكەتتىك ءبىلىم گرانتىن، سونداي-اق رەزيدەنتۋراعا 153 گرانت بولەدى.
ايتا كەتەيىك، 2006 جىلى تمد ەلدەرىندە مەديسينالىق ءبىلىم بەرۋدىڭ جاڭا ستاندارتى قابىلداندى. اتاپ ايتقاندا، "پەدياتريا" جانە "سانيتارلىق گيگيەنا" ماماندىعىن جابۋ تۋرالى شەشىم قابىلداندى. 2007 جىلدان باستاپ بارلىق ينستيتۋتتار پەدياتريا ماماندىعى بويىنشا وقۋعا ستۋدەنتتەردى قابىلداۋدى توقتاتتى. جاڭا 5+2 "جالپى مەديسينا" جۇيەسى بويىنشا بەس جىل باكالاۆريات جانە ەكى جىل ينتەرناتۋرا بويىنشا وقىتۋ باستالدى.
پىكىر قالدىرۋ