الماتى تۇرعىنى رەسەيلىكتەردى بالاعاتتاعانى ءۇشىن قاماۋعا الىندى
ءقازىر الماتىلىق تۇرعىنعا قاتىستى تەرگەۋ ءجۇرىپ جاتىر.
جەلىدە تاراعان ۆيدەودا بىرنەشە ادامنىڭ تىكەلەي ەفيردە وتىرعانىن بايقاۋعا بولادى. ەفير بارىسىندا مارال جالەلوۆا ەسىمدى قولدانۋشى ورىستار تۋرالى جاعىمسىز پىكىر بىلدىرگەن. ول “ورىستار قازاقستاننان كەتسە، ءومىر ءسۇرۋ وڭاي بولاتىنىن” ايتقان.
"مەنى وتىرعىزعىلارىڭ كەلسە وتىرعىزا بەرىڭدەر. مەن زاڭدى بۇزىپ جاتقام جوقپىن. كەتسە، ءومىر قانشالىقتى جەڭىلدەيتىنى بەلگىلى. مەن ءۇشىن ولار ءارامشوپ. مەنىڭ ەشنارسەم جوق. مەن گيتلەر جاقسى دەسەم، ساعان ۇناي ما"، – دەدى مارال جالەلوۆا ەسىمدى قولدانۋشى جەلىدە تاراعان ۆيدەودا.
“ادەپسىز سوزدەر ايتىپ، ۇلتتى بالاعاتتاعان الماتى تۇرعىنى ۇستالدى. اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلۋدە"، – دەپ حابارلادى الماتى قالاسى پوليسيا دەپارتامەنتىنىڭ وكىلدەرى.
پىكىر قالدىرۋ